Корхона (фирма)нинг нархга оид сиёсати

Aim.uz

Корхона (фирма)нинг нархга оид сиёсати
Харидорни танловини белгиловчи энг муҳим омил молнинг нархидир. Агар баркамол рақобатчи молга оқилона арзда қўйилган нархга деярли ҳеч қандай таъсир кўрсата олмаса, баркамол бўлмаган рақобатчи эса (ишлаб чиқарувчиларнинг кўпчилиги айни шу гуруҳга мансуб) муайян чегарада, бозорда банд этилган мавқеларга боғлиқ ҳолда таклиф даражасини, демак молларнинг нархини ҳам бошқариши мумкин. Шу сабабли баркамол бўлмаган рақобатчиларда нарх белгилаш сиёсати маркетингга доир тадбирлар мажмуида етакчи ўринни ишғол этади.
Нарх белгилаш стратегияси ҳамда тактикасини ишлаб чиқишда фирма бир талай хилма-хил омилларни: ўз сарф харажатларининг миқдори ва динамикасини, харидорларнинг руҳиятини ҳисобга олиши керак. Шунингдек маркетингга доир ассортимент сиёсати, сотишни ташкил қилиш ва рақобатлантириш сингари тадбирларни ҳисобга олиш талаб этилади.
Нарх танлови кўп жиҳатдан фирма ўзининг бозор сиёсатида кўзлайдиган мақсадларга боғлиқ бўлади. Агар фирмага рақобат курашидан мағлуб бўлиш хавф солса, унинг мақсади омон қолишдан иборат бўлади. Бундай ҳолда нарх кам деганда мол ишлаб чиқаришга кетган харажатларнинг ўрнини қоплаши керак. Агар фирма ўзининг рақобардошлигига ишончи комил бўлса, у ўз олдига олаётган фойдасини энг кўп даражага чиқариш вазифасини қўйиши мумкин, бунга эса нархни энг юқори нуқтага чиқариб қўйиш ҳисобга эришилади. Бунда, бироқ корхона юқори даражадаги нарх билан рақобатчилар эътиборини ўзига тортиш ва харидорларнинг бир қисмидан ажралиш хавфига дуч келади. Ниҳоят, фирма ўз олдига бозорда етакчиликни эгаллаш вазифасини қўйиши мумкин. Бу ҳолда, у одатда, ўз молларининг нархини энг кам даражага келтиради. Айтмоқчи, нархни пасайтирмасдан (баъзида эса уни оширган ҳолда ҳам) туриб ҳам етакчи бўлиш мумкин-бунинг учун мол сифатини яхшилаш ва талабни рағбатлантиришга доир самарадор компания ўтказиш даркор.