Konstitutsiya-millatlararo totuvlik va hamjihatlik kafolati

“Konstitutsiya-millatlararo totuvlik va hamjihatlik kafolati”

Har bir davlat mustaqillikka erishar ekan endilikda uning oldida eng dolzarb vazifa turadi. Bu o`z qonunchiligini yarata olishdir. Zero shu yurt va shu xalqni farzandlarining taqdiri mamlakatdagi qonunchilik tizimiga bog`liqdir. Buyuk bobokalaoniiz Amir Temur ham qayerda qonun hukmron bo`lsa o`sha yerda inson degan nom ardoqlanishini ta`kidlab o`tgan.

Mustaqillik o`zbek xalqining azaliy orzusi bo`lsa, ajdodlarimiz ozodlik yo`lida jon berib jon olishgan. Mana bugun qariyb o`ttiz yildirki yurtimizda erkinlik nafasi ufurib turibdi.Yurtimizda huquqiy islohotlar amalga oshirilib bormoqda. Aynan shu islohotlarning debochasi huquqlarning poydevori-O`zbekiston Respublikasining Konstitutsiyasidir. Ajdodlarimiz erkinlik yo`lida jon berib, jon olishgan bo`lishsa, bugun shu baxt nafasi har qadamda sezilib turmoqda. O`zbegimning toptalgan qadri yuksaklarga ko`tarilmoqda. Qonunlar ustuvorligi adolat mezoni hisoblanadi. O`zbek qonunchiligiga tamal toshini qo`yilgan Konstitutsiya loyihasi ustida 1990-yil iyun oyidan boshlab ish olib borilgan Bu loyiha ustida 64 kishidan iborat delegatsiya qariyb ikki yildan ziyod vaqt davomida izlanishlar olib bordi. Bu izlanishlar nihoyasiga yetmasdan turib yurtimiz tarixida adolat tantana qildi. 1991-yil 31-avgust… Tarix zarvaraqlarida o`chmas iz qoldirgan mustaqillik qabul qilindi. Shundan so`ng ishlar jadallashib ketdi va xalqimiz o`z davlat ramzlariga ega boldi. O`zbekiston Respublikasini Konstitutsiyasining 5-moddasida ham O`zbekiston Respublikasi davlat ramzlari mustahkamlab qo`yildi. Konsitutsiya muhokamasi davomida rivojlangan davlatlarning Konstitutsiyalari o`rganib chiqildi, ulardan namunalar olindi, asos bo`lib xizmat qilgan xujjat esa Inson huquqlari umumjahon deklaratsiyasi bo`ldi. O`zbekiston xalqi ham bu muhokamada qizg`in ishtirok etdi. Xalqning besh mingdan ortiq taklif, mulohazalari ko`rib chiqildi,ikki marta umumxalq muhokamasiga qo`yildi. Va nihoyat 1992-yil 8-dekabr kuni mustaqil O`zbekistonning Konstitutsiyasi qabul qilindi. Bu O`zbekiston xalqining o`ksik bag`riga quvonch, oppoq orzularining kafolati bo`lib xizmat qildi!

Bugun yurtimiz aholisini huquqiy madaniyatli bo`lishlari uchun bir qator ishlar amalga oshirilmoqda,zeroki qonunlar mavjud bo`lsayu lekin xalq undan foydalana bilmasa, bu qonunlardan ko`zlangan ezgu maqsadlarga erishib bo`lmaydi. Jamiyatdagi insonlar huquqlarini qanchalik teran anglay boshlasa huquqiy demokratik davlat, fuqarolik jamiyatini qurish shunchalik osonlasha boradi. Bizning konstitutsiyamizda barcha hayotning jabhalari yetarlicha yoritib o`tilgan. Xatto hech qaysi konstitutsiyada ilgari surilmagan voyaga yetgan farzandlar ota-onalarga gamho`rilk qilishi belgilab qo`yilishi ham yurtimizda hech kimning qonundan chetda qolib ketmasligi uchun yaratilgan huquqiy kafolatdir. Konstitutsiya-bu biz yoshlarga berilgan imkoniyatdir. Zero yurtimizda qabul qilinayotgan barcha hujjatlarning huquqiy asosida oliy yuridik kuchga ega bo`lgan hujjat turibdi.