Конституция 2 меҳнат кодекси 7

Жиноят иши учун муҳим бўлган фактик маълумотлар – жиноят ҳодисаси ҳақида хабар берувчи жиноят ишида далил сифатида фойдаланилиши мумкин бўлган маълумотлар.

Жиноят ишлари бўйича экспертиза – суд ажрими ёки тергов органлари қарорига асосан тайинланадиган, жиноят иши учун муҳим бўлган фактик маълумотларни аниқлаш мақсадида тадқиқот учун юборилган объектларни экспертнинг фан, техника, санъат, касб-ҳунар соҳалари бўйича махсус билимлардан фойдаланиб текшириши ва унинг бу ҳақдаги баҳоси акс этган хулоса беришидан иборат процессуал ҳаракат.

Жиноят ишлари бўйича экспертиза ўтказишда махсус билим – фан, техника, санъат ва касб-ҳунар соҳаларида узоқ вақт давомида машғул бўлиш натижасида ҳосил бўлган кўникмалар.

Жиноят ишлари бўйича экспертиза экспертизани ўтказишда терговчи ёки суднинг ҳаракатлари – экспертиза муассасасини ва хулоса бериши лозим бўлган экспертни аниқлаш ва жалб қилиш; эксперт амалга ошириши ва аниқлаши керак бўлган ҳолатларни белгилаб бериш; ўтказилаётган экспертизанинг қонунийлигини назорат қилиш; экспертиза хулосасини олиш, таҳлил қилиш, баҳолаш ва далилий аҳамиятини аниқлаш ва б.қ.

Жиноят ишлари бўйича экспертиза экспертизанинг бошқа турларидан фарқловчи хусусиятлари – а) махсус билимларга таяниш; б) экспертизанинг ўзига хос кетма-кетликда амалга оширилиши; в) иш учун аҳамиятли бўлган маълум бир ҳолатни қайта тиклаш мақсадида амалга оширилиш; г) экспертизани ўтказувчи махсус субъектнинг иштироки; д) экспертиза тадқиқотининг ўтказилиши ва натижаси исботлашнинг мустақил тури бўлмиш махсус расмийлаштириладиган ҳужжатда – экспертиза хулосасида намоён бўлиши; д) ушбу жараён жиноят процесси бир неча субъектлари фаолиятининг умумлашмасидан шаклланиши; е) жиноят иши бўйича тақдим этилган маълум бир объект ёки предметни тадқиқ қилишда махсус билимларнинг қўлланилиши; ё) тадқиқотнинг ваколатли шахс (терговчи, судья) кўрсатмасига мувофиқ, махсус субъект, яъни эксперт томонидан амалга оширилиши; ж) экспертизани тайинлаш, ўтказиш, унинг натижаларини расмийлаштириш тартибининг қонун билан қатъий ўрнатилганлиги; з) далилнинг мустақил тури бўлган, ўтказилган тадқиқотнинг натижаси сифатида олинган натижаларини эксперт хулосаси шаклида расмийлаштирилиши ва б.қ.

Иш – суд экспертизаси тайинланган фуқаролик, иқтисодий, жиноят иши (шу жумладан, терговга қадар текширув материаллари), маъмурий ҳуқуқбузарлик тўғрисидаги иш.