Konferensiyasi

“ZAMONAVIY TA‟LIM TIZIMINI RIVOJLANTIRISH VA UNGA QARATILGAN KREATIV G‟OYALAR, 
TAKLIFLAR VA YECHIMLAR” MAVZUSIDAGI 27-SONLI RESPUBLIKA ILMIY-AMALIY ON-LINE 
KONFERENSIYASI 
www
.
bestpublishing.
org
194 
kerakli narsani keraksiz narsadan oson ajrata oladilar, ularda taassurot ham boy bo`ladi. 
Tadqiqotlar shuni ko`rsatadiki, ikki tilda muloqot qilib ulg`aygan odamlar bir tilda muloqot 
qilib ulg`aygan odamlarga qaraganda katta va shovqinli idoralarda fikrlarini yaxshiroq 
jamlay oladilar va diqqatlari kuchli bo`la oladi.
Mamlakatimizda olib borilayotgan islohotlar ham aynan shu maqsadga yo`naltirilgan. 
Endilikda maktab, litsey va oliygohni tamomlaydigan yoshlar 2 ta xorijiy tilni o`rganishlari 
talabi nazarda tutilmoqda. Bundan buyon 2-xorijiy til fani nafaqat oliy o`rta maxsus ta`lim, 
balki umumiy o`rta ta‘limda ham o`qitiladi. Bir xorijiy tilni o`rgangan bola ikkinchisini 
oson o`zlashtirishi hammaga ma‘lum. Shuning uchun bugungi kun bog`chalarida xorijiy til 
o`qituvchisi lavozimi alohida joriy etildi. Maktabgacha 2 ta tilni puxta o`rgangan bola, 
tabiiyki, maktab fanlarini ham o`rganishda faol bo`ladi. Buning uchun imkoniyatlar va 
shart-sharoitlar yetarlicha yaratilgan. Chet tili fakultetlarida kvotaning oshirilishi ayni shu 
maqsad yo`lida qo`yilgan qadamlardan biridir. Shu o`rinda yana bir masalaga to`xtalib 
o`tish joiz. Chet tillarini o`rgatuvchi mutaxassislar yetishtirish masalasi ham hozirda dolzarb 
ahamiyat kasb etadi. Chet tilini bilish boshqa, uni o`rgatish butunlay boshqa masala. 
Ayniqsa, bolalarga til o`rgatish kishidan malaka, tajriba, sabr va mahorat talab etadi. Bola 
tabiatan tez chalg`uvchan, zerikuvchan, fikri tarqoq, o`yinqaroqdir. U bilan ishlashda 
o`qituvchi ham bolaga aylanishi, uning ichki dunyosiga kira olishi, kayfiyatiga qarab ish 
ko`rishi lozim. Bunday vaziyatda turli o`yinlar, qiziqarli metodlar, rasmlar, videolar, 
qo`shiqlar, multfilmlar yordamga keladi. Ularni topish internet taraqqiy etgan bugungi 
davrda umuman muammo emas. Muhimi kerakli materiallarni tanlab olish va mahorat bilan 
yetkazib berish.
Xorijiy tilini o`rganishda o`tilganlarni takrorlash, talaffuzni mashq qilish, yangi 
so`zlarni kundalik hayot bilan bog`lash alohida rol o`ynaydi. Bunda murabbiy bilan bir 
qatorda ota-onalarning ham o`rni bor. Ular uyda, oila davrasida farzandlari bilan tez-tez 
muloqot qilishlari, o`rganilgan so`zlarni so`rab turishlari, yaxshi o`zlashtirgan farzandlarini 
rag`batlantirib turishlari lozim. Bu esa yaqin kelajakda o`z samarasini beradi.

---