Konchilik ishi va metallurgiya

TAJRIBA ISHLARINI BAJARISHDA TEXNIKA XAVFSIZLIK QOIDALARI
Tajriba ishlarini bajarishda tajriba xonasidagi ish joylarida mehnat muhofazasi bo‘yicha yo‘l- yo‘riqlardan o‘tgandan keyingina ukuvchilarga mustaqil mashg‘ulotlarni bajarishga ruxsat etiladi. Io‘l-yo‘riqlardan o‘tganligi to‘g‘risida ukuvchi va yo‘l- yo‘riqni o‘tkazuvchi shaxs "yo‘l- yo‘rikdan o‘tganligi to‘grisida qaydnoma daftari" ga qayd etilishi va imzolanishi shart .

Navbatdagi tajriba ishini bajarishda o‘quvchi jihozlarni, asboblarni tuzilishi va ulardan foydalanish bilan tanishib, ishni bajarishga huquq beruvchi bilimlari bo‘yicha nazoratdan o‘tgandan keyingina kirishishi mumkin.

Tajriba qurilmasida ishlaganda quyidagi havfli va zararli ishlab chiqarish omillari vujudga kelishi mumkin: Elektro qurilmani yuqori kuchlanish bilan ta’minlanishi, havoning changlanishi, zaharli gazlarni ajralishi, to‘g‘ridan-to‘g‘ri tushuvchi yorug‘lik bilan ko‘zni ko‘rishiga zararli ta’sir etishi, yuqori sathli shovqin , ochchiq alanga va boshqalar .

Tajriba qurilmalari va tajriba xonasida havfli va zararli ishlab chiqarish omillarini xavfsiz ko‘rsatkichlariga keltirish uchun quyidagi himoya vositalarini ko‘zda tutish lozim bo‘ladi: nol o‘tkazgich va elektr qurilmani avtomatik o‘chirish , chang, gaz ajralib chiquvchi joylarni mahkam berkitish (germetizatsiyalash) va yong‘inga qarshi kurash texnik vositalari, so‘ruvchi umum havo almashtiruvchi shamolatgich, yorug‘likdan himoya ekrani, tovushdan himoyalovchi (izolyasiyalovchi) shovqin kamerasi .

Tajriba xonasida birinchi tibbiy yordam ko‘rsatish uchun dori quttisi (aptechka) bilan ta’minlangan (jihozlangan) bo‘lishi, tajriba xonasining har 50 m² maydoni hisobidan birta o‘t o‘chirgich OU-5 bo‘lishi lozim, xonaga avtomatik yong‘in xabarchilari o‘rnatilgan bo‘lishi kerak .

Baxtsiz xodisa sodir bo‘lganda o‘quvchi jabrlangan kishiga birinchi tibbiy yordam ko‘rsatishni bilishi va amalga oshirishi shart .

Mehnat muhofazasi qoidalarini buzulganiga o‘quvchi (talaba) javobgardir.