Kompyuterlar, Dasturiy Ta'minot

O’ZBEKISTON RESPUBLIKASI ALOQA, AXBOROTLASHTIRISH VA TELEKOMMUNIKASIYA TEXNOLOGIYALARI DAVLAT VAZIRLIGI
TOSHKENTAXBOROT TEXNOLOGIYALARI UNIVERSITETI
 
 
 
“AKT SOHASIDA KASBIY TA`LIM” FAKULTETI
 
 
 
“AXBOROT TA’LIM TEXNOLOGIYALARI” KAFEDRASI
 
 
 
 
“PEDAGOGIK DASTURIY VOSITALAR”
FANIDAN AMALIY MASHG`ULOTLAR O`TKAZISH BO`YICHA
USLUBIY KO’RSATMA
 
AKT sohasida kasb ta’limi yo`nalishi 3 – kurs talabalari uchun
 
 
 
 
 
 
Toshkent – 2017
Tuzuvchi:
Sh.H.Pozilova - Toshkent axborot texnologiyalari universiteti “Axborot ta’lim texnologiyalari” kafedrasi assistenti
Ilm-fan, texnika, ishlab chiqarish va texnologiya sohalarining mavjud taraqqiyoti zamonaviy jamiyat qiyofasini belgilab bermoqda. Zamonaviy jamiyatning eng muhim xarakterli jihati uning barcha sohalarida globallashuvning ko’zga tashlanayotganligidir. Globallashuv o’z-o’zidan tezkor harakatlanish, zarur axborotlarni zudlik bilan qo’lga kiritish, ularni qayta ishlash va amaliyotga samarali tatbiq qilishni taqozo etadi. Bu tarzda harakatlanish imkoniyatiga o’z sohasining bilimdoni bo’lgan, kasbiy malakalarni yuqori darajada egallay olgan, boy tajriba va mahoratga ega kadrlargina ega bo’ladilar. Shunday ekan, oliy ta’lim muassasalar (OTM)da kadrlarni tayyorlash jarayonida davrning mazkur talabini inobatga olish maqsadga muvofiqdir.
Mazkur uslubiy ko’rsatma “Pedagogik dasturiy vositalar” fanidan laboratoriya mashg’ulotlar o’tkazish, dars samaradorligini oshirish, muhandis-pedagoglarni pedagogik dasturiy vositalar va ularning turlari bilan tanishtirish, ularni o’quv-tarbiya jarayoniga tadbiq etish yo’llarini ko’rsatib berish, aloqa, telekommunikatsiya, informatika va axborot texnologiyalari yo’nalishi fanlarini pedagogik dasturiy vositalar asosida o’qitish metodikasiga o’rgatish, aloqa, telekommunikatsiya, informatika va axborot texnologiyalari yo’nalishi fanlarini zamonaviy o’quv texnik vositalarini qo’llash bo’yicha bilim, ko’nikma va malakalari bilan qurollantirish; zamonaviy o’quv texnik vositalar istiqbollari haqida tassavvurlarini rivojlantirish, hamda chuqurlashtirish masalalarini qamraydi. Uslubiy ko’rsatma “Pedagogik dasturiy vositalar” fani o’qituvchilari uchun zarur manba sifatida mo’ljallangan.
“Pedagogik dasturiy vositalar” fanidan amaliy mashg’ulotlar o’tkazish nomli uslubiy ko’rsatma AKT sohasida kasb ta’limi bakalavriyat ta’lim yo’nalish 3-kurs talabalarining mazkur fandan amaliy mashg’ulotlarni tashkil etish uchun tavsiya etiladi.