Kompyuterlar, Dasturiy Ta'minot

Taqrizchilar:
D.Yunusova- Toshkent axborot texnologiyalari universiteti
« Axborot ta’lim texnologiyalari» p.f.n.,professor
O.S.Soipov- Toshkent temir yo’llar kasb-hunar kolleji o’quv ishlari bo’yicha direktor o’rinbosari, t.f.n., dotsent
Toshkent axborot texnologiyalari universiteti
Ilmiy-uslubiy kengashining ­­24 mart 2017 yildagi
«______» - sonli bayoni bilan tavsiya etiladi
SO`Z BOSHI
Respublikamiz Prezidenti SH.M.Mirziyoyevning 2016 yilda mamlakatimizni ijtimoiy-iqtisodiy rivojlantirish yakunlari va 2017 yilga mo`ljallangan eng muhim ustuvor yo`nalishlarga bag`ishlangan O`zbekiston Respublikasi Vazirlar Mahkamasining majlisidagi ma’ruzasida: «Mamlakatimizni iqtisodiy rivojlantirishga qaratilgan uzoq muddatli strategik maqsadni amalga oshirishning mantig`i mustaqilligimizning dastlabki kunlaridan boshlangan va O`zbekistonning jahon bozoridagi raqobatbardoshligini oshirish va mavqeyini mustahkamlashga yo`naltirilgan tarkibiy o`zgarishlar va yuksak texnologiyalarga asoslangan zamonaviy tarmoqlar va ishlab chiqarish sohalarini jadal rivojlantirish siyosatini 2017 yildagi asosiy ustuvor yo`nalish sifatida davom ettirishni taqozo etmoqda » deb ta’kidlaydi.
Talabalarga ushbu fan xususiyatlari doirasida mamlakatimizda barkamol avlodni tarbiyalash, yoshlarning o`z ijodiy va intellektual salohiyatini ro`yobga chiqarishi, yuqorida keltirilgan materiallar, qoidalar va xulosalarni puxta o`zlashtirishlari, kelgusi faoliyatida samarali foydalanishlari hamda ijodiy yondashishlari taminlash fanni o`rganish oldida turgan asosiy vazifalardan biridir.
Fanning maqsad va vazifalari
Fanni o`qitishdan maqsadi- - talabalarga oliy va o`rta maxsus ta’lim muassasalarida aloqa, tedekommunikatsiya, informatika va axborot texnologiyalari yo`nalishi fanlarni zamonaviy o`quv texnik vositalar yordamida o`qitishga o`rgatish, zamonaviy o`quv texnik vositalarning o`ziga mos xususiyatlarinidan kelib chiqqan holda metodikasi bilan tanishtirish.