Kompyuter tizimlari

MUHAMMAD AL-XORAZMIY NOMIDAGI
TOSHKENT AXBOROT TEXNOLOGIYALARI UNIVERSITETI
FARG‘ONA FILIALI
“KOMPYUTER TIZIMLARI” kafedrasi
O’qituvchi: Xasanova M
Internet of Things (IoT)

Ma’ruza №1 IoT texnologiyasiga kirish Reja:

• IoT texnologiyasi tarixi.
• Buyumlar internetining asosiy prinsiplari.
• IoTni standartlashtirish.
• IoTning tuzulishi va arxitekturasi.

Insoniyat o‘z tarixi davomida uchta axborot inqilobini amalga oshirgan:
birinchisi – yozuvning kashf qilinishi,

ikkinchisi – kitob bosishni kashf qilinishi
va
uchinchi axborot inqilobi – Internet.
Hozirda Internet orqali yozishmalar, videoqo‘ng‘iroqlar va hatto savdo ishlarining bajarilishi hamma uchun oddiy holdir. Hattoki, hukumat ham o‘z vazifalarining muayyan bir qismini Internet orqali bajarmoqda. Global tarmoqning imkoniyati bu bilan cheklanib qolayotgani yo‘q. Nafaqat insonlar, balki insoniyatning kashfiyoti hisoblanmish turli xil maishiy texnikalar ham hozirgi kunda Internetdan foydalanmoqda. Shu sababli ham axborot texnologiyalari sohasiga «Buyumlar Interneti » atamasi kirib keldi.
«Buyumlar Interneti » (Internet of Things – IoT) – bu yagona fizik obyektlar tarmog‘i bo‘lib, tashqi muhit orqali o‘z parametrini o‘zgartirish, ya’ni ma’lumotni to‘plab boshqa turdagi moslamalarga uzatish.
«Buyumlar Interneti » (IoT) – moslamalar o‘rtasidagi o‘tkazuvchan yoki o‘tkazmaydigan tarmoq bo‘lib, o‘z-o‘zini ta’minlovchi, zamonaviy (aqlli) tarmoqni boshqaruvchi, yuqori darajali tarmoq ta’minlovchi, Internetni o‘zi yoqadigan, ma’lumotlarni uzatib, hamda ularni qabul qilib, tahlil qila oladigan texnologiyadir.