Kompyuter tarmoqlari telekommunikatsiya texnologiyalari, 5 semestr

PCF (ингл. Packet Control Function) - пакетли узатишни бошқарув маркази;

PDSN (ингл. Packet Data Servise Node) - пакетли маълумотларни узатишга хизмат қиладиган тугун.

Бу тугунлар пакетли коммутация жараёнида қатнашишади.

• 
  MSC – мобил коммутация маркази: GPRS тармоқларидаги каби симли таянч тармоғи ҳисобланиб, радиоуланиш тармоғи ва умумий уланиш турғун тармоқлари оралиғидаги боғловчи тугун ҳисобланади. MSC маркази каналли коммутация ёрдамида уланишни таъминлайди.
  

Тармоқнинг қуйидаги тугунлари эса, ўзларининг анъанавий функцияларини бажаришади:

• 
  AAA - авторизация, аутентификация ва ҳисоб маркази;
  
• 
  HLR - уй абонентлари регистри;
  
• 
  VLR - меҳмон абонентлар регистри.
  

CDMA-2000 тизимларининг архитектураси таҳлил қилинганда, PDSN - маълумотларни пакетли узатиш таянч тармоғи UMTS тармоғидаги SGSN тугуни ўрнига ишлатилишини кўриш мумкин. Яна бир фарқ шундаки, CDMA-2000 тизимида АУ лар мобиллигини бошқариш учун UMTS каби HLR регистри эмас, балки Mobile IP протоколининг кенгайтирилган версияси ишлатилади (яъни, IP- протоколи билан мослаштирилган). Бу эса, янги мобил алоқа тармокларини, асосан, мобил Интернет иловалари ва хизматларига йўналтирилганлигини ҳисобга олганда, CDMA-2000 тизимларининг шубхасиз авзаллиги ҳисобланади. Шу билан бирга, UMTS ва CDMA-2000 тизимларида оммавий фойдаланиш телефон тармоқларига ва маълумотни пакетли узатиш тармоқларига уланишда ўхшашлик мавжуд.

FOMA стандарти. FOMA (ингл. Freedom of Mobile Multimedia Acces) Япониянинг NTT DoCoMo сотали алоқа оператори томонидан тақдим этилаётган 3G хизматлари учун W-CDMA технологиясига асосланган стандартнинг савдо белгиси ҳисобланади.

Ҳозирги вақтда NTT DoCoMo компанияси «пастга» каналда 7,2 Мбит/с «юқорига» каналда 5,7 Мбит/с гача маълумот узатиш тезлигини таъминловчи “Ўта тез FOMA” (ингл. FOMA High-Speed) номини олган HSPA хизматларини тақдим этмоқда.
Умуман, ўзининг техник характеристикалари бўйича FOMA стандарти UMTS стандартига жуда яқин.

TD-SCDMA стандарти. TD-SCDMA (ингл. Time Division-Synchronous Code Division Multiple Access) бу бир элтувчи частотали, вақт бўйича дуплексловчи CDMA технологияси асосидаги учинчи авлод тизимларининг “Хитой” варианти ҳисобланади. Стандарт 2006 йилда Хитой телекоммуникация саноатини қўллаб-қувватлаш ва CDMA-2000, W-CDMA технологиялари патентлари учун тўловлардан холи бўлиш мақсадида ишлаб чиқилган ва расмий қабул қилинган.