Kompyuter tarmoqlari telekommunikatsiya texnologiyalari, 5 semestr

IEEE 802.16 лойиҳаси. 2002 йилда симсиз кенг полосали тизимни стандартлаштириш учун мўлжалланган IEEE 802.16 лойиҳаси натижаси бўлиб WiMAX ҳисобланади. Баъзан бу стандартни симсиз локал тугун (wireless local loop) деб аташади. Келинг, энди 802.16 ва 802.11 лойиҳаларини таққослайлик. Биринчидан, 802.11 стандарти симсиз локал тармоқлар учун мўлжалланган бўлса, иккинчидан, 802.16 стандарти симсиз WAN (ёки MAN) учун мўлжалланган. Биринчи ҳолатда таянч станция ва хост орасидаги масофа жуда чекланган. Иккинчи ҳолатда эса, таянч станция ва абонент станцияси бир нечта километрлар узоқлигида бўлиши мумкин.
Энг охирги IEEE 802.16 версияси IEEE 802.16d ва IEEE 802.16e деб аталувчи икки янги стандартни яратди. IEEE 802.16d турғун WiMAX учун мўлжалланган ва IEEE 802.16e мобил WiMAXни белгилайди. Бу икки янги стандарт оригинал 802.16 асосий ғоясини ўзгартирмайди, аммо икки хизмат характерига йўналтирилган.
Хизматлар. WiMAX абонентларга икки турдаги хизматларни тақдим этади: турғун (fixed) ва мобил (mobile).
Турғун WiMAX (Fixed WiMAX). 16.6-расмда турғун хизмат ғояси кўрсатилган. Таянч станция унумдорликни оптималлаш учун ҳар турдаги антенналарни (умумий йўналтирилган, секторли ёки панелли) ишлатиши мумкин. WiMAX нурли адаптив антенна тизимини (AAS - Adaptive Antenna System) ишлатади. Узатишда у ўз энергиясини абонент томонга йўналтириши мумкин. Қабул қилишда эса у абонент томонидан узатилаётган максимал энергияни олиш учун абонент станцияси йўналишига фокусланиши мумкин.
Турғун хизматни симли уланишни ишлатадиган телефон ёки тармоқ компаниялари тақдим этадиган хизматлари билан таққослаш мумкин. WiMAX янада бир вақтда узатиш ва қабул қилишни таъминловчи MIMO антенна тизимини ишлатади.

16.6-расм. Турғун WiMAX.


Мобил WiMAX (Mobile WiMAX). 16.7-расмда мобил хизмат ғояси кўрсатилган. Бунда абонентлар бир жойдан бошқа жойга кўчиб ўтувчи мобил станция ҳисобланишини ҳисобга олмасак, у ҳудди турғун хизмат кабидир. Бу ерда ҳам сотали телефон тизимларида мавжуд бўлган муаммолар бор, маслан роумингда.

16.7-расм. Мобил WiMAX.

WiMAX катта имкониятларни, юқори алоқа сифатини ва хавфсиз уланишни тақдим этишга қодир симсиз кенг полосали уланишнинг тўлақонли вакили ҳисобланади. Буларнинг барчаси бу стандартнинг кейинги ривожланишини ва унинг амалда кенг тарқалишини кўзда тутишга асос бўлади.