Kompyuter tarmaqlari haqqinda uliwma túsinikler. 1 Tarmaqlar túrleri arxitekturası

Server - tarmaqqa jalǵanǵan hám onnan paydalanıwshılarǵa belgili
xızmetler kórsetiwshi kompyuter.

Serverler - maǵlıwmatlardı saqlawdı maǵlıwmatlar bazasın basqarıwdı,
máselerdi aralıqtan qayta islewi, aralıqlardı basıp shıǵarıwı hám basqa bir qatar waziypalardı islewi múmkin.

Jumısshı stanciya - tarmaqqa jalǵanǵan jeke kompyuter, paydalanıwshı usı arqalı xabar resurslarına kirip baradı. Tarmaqtıń jumısshı stanciyası hám tarmaq, ham lokal rejiminde isleydi. Ol jeke operacion sistema (MS-DOS, Windows hám basqa) menen támiynlengen ámeliy waziypalardı sheshiw ushın paydalanıwshını bárshe zárúr qurallar menen támiynleydi. Server turlerinen biri-fayl-serverge (File Server) óz aldına itibar beriw kerek.
Fayl-server tarmaqtan paydalanıwshılardıń maǵliwmatların saqlaydı hám
olardıń usı maǵliwmatlarǵa kirisiwin támiynleydi. Bul kompyuter úlken
kólemdegi operacion yadqa, úlken kolemdegi qatti diskke iye.Ol arnawlı operacion
sistema basqarıwı astında isleydi. Fayl-server tómendegi waziypalardı isleydi:
maǵlıwmatlardı saqlaw, maǵlıwmatlardı arxivlew, maǵlıwmatlar ózgeriwin
sinxronlaw, maǵlıwmatlardı jetkizip beriw. Kópǵana waziypalardı islewde bir
fayl-serverden paydalanıw kemlik qıladı. Bul waqıtta tarmaqqa bir qansha faylserverler qosılıwı múmkin.