Tema: Serverler

Tema: Serverler
Reje

1. 
   Bap:
   

1.1Kirisiw

2. 
   Bap:
   

1. 
   Server túsinigi
   
2. 
   Server túrleri
   

2.3. Web server

3. 
   Bap:
   

1. 
   Klient server
   
2. 
   TCP IP protokollar
   
   1. 
      DNS serverler
      

Mazmunı

1. 
   Bap:
   

1.1Kirisiw…………………………………………………………………3

2. 
   Bap:
   

2.1 Server túsinigi………………………………………………………….4
2.2 Server túrleri……………………………………………………………5

3. 
   Web server………………………………………………………………6
   

3. 
   Bap:
   

1. 
   Klient server………………………………………………………………7
   

3.2 TCP IP protokollar………………………………………………………..8
3.3 DNS serverler……………………………………………………………..9
Juwmaqlawshı bólim………………………………………………………….10
Paydalanılǵan ádebiyatlar………………………………………………………11

Kirisiw
Informaciya texnologiyalarınıń insan iskerligi hámme kóp tarawlarǵa kirip barıw procesi barǵan sayın rawajlanıp, tereńlesip barıp atır.Bul hár túrli esaplaw texnikasınan paydalanıwshılar sanı da kóbeyip atır, bunda eki keri tendenciyanıń rawajlanıwı gúzetilip atır. Bir tárepten, informaciya texnologiyaları barǵan sayın quramalaspaqta hám olardı qóllaw ushın, hám olardı keyingi rawajlanıwı ushın júdá tereń bilimler talap etiledi. Basqa tárepte, paydalanıwshılardıń kompyuterler menen baylanısı ápiwayılaspaqta.Kompyuterler hám informaciya sistemaları barǵan sayın “dos sıpatında” bolıp baratır, hátte olar informatika hám esaplaw texnikası salasında qániyge bolmaǵan adamlar ushın da túsinikli bolıp barıp atır.Bul zat, bárinen burın paydalanıwshılar hám olardıń programmaları, esaplaw texnikası menen arnawlı (sistemalı) programmalıq támiynat-operacion sistema arqalı baylanıs etkenlikleri ushınǵana júzege keldi.Informaciyalastırıwdı rawajlandırıw, ekonomika hám jámiyet ómiriniń barlıq tarawlarında zamanagóy informaciya texnologiyaların, kompyuter texnikası hám telekommunikaciya quralların ǵalabalıq túrde engiziw hám de olardanpaydalanıw, puqaralardıń informaciyaǵa artıp baratırǵan talap-mútajliklerin jáne de tolıqlaw qandırıw, jáhán informaciya resurslarınan toqtatıwdan bolıwdı keńeytiw ushın qolay shárt-shárayatlardı jaratıw baylanıs hám informacion-kommunikaciya salasın rawajlandırıwdı tiykarǵı wazıypaları esaplanadı. Informaciyalar revolyuciyası shegara neligin bilmeydi. Jańa informaciya texnologiyaları tezlik penen pútkil jer sharı boylap súwret, tekst hám sóylewdi jetkizip beriwge múmkinshilik beredi. Internet mákemeler keń maǵlıwmatlar bazaların ǵalabalıq kitapxanalar, mektepler, qala húkimetlerimenen bólewge múmkinshilik beredi. Informacion-kommunikaciya texnologiyaların rawajlandırıw 2002-2010 jıllarda kompyuterlestiriw hám informacion-kommunikaciya texnologiyaların rawajlandırıw programması, Muwapıqlastırıwshı keńes tárepinen qabıl etilgen programmalar hám keńestiń jumıs rejesine muwapıq ámelge asırıladı.Búgingi kúnde mámleketimizde de áne sol múmkinshiliklerden nátiyjeli paydalanıw hám rawajlanıwdı jedellestiriw ushın kóplegen jumıslar ámelge asırılıp atır.Informacion-kommunikaciya texnologiyaların rawajlandırıwǵa tiyisli qabıl etilgen nızamlardı atqarılıwın támiyinlew maqsetinde Ózbekstan Respublikası Prezidentiniń 2005-jıl 8-iyuldaǵı «Informacion-kommunikaciya texnologiyaların jánede rawajlandırıwǵa tiyisli qosımsha ilajlar tuwrısında»ǵı PQ-117-san sheshimi qabıllandı.
Informaciya hám kommunikaciya texnologiyaları ekonomikalıq rawajlanıwdıń oǵada zárúrli strukturalıq bólegine aylandı.Olarǵa tekǵana tayın ónim retinde, bálki ónimlilik hám rentabellikti asırıwǵa ılayıq zárúrli qurallar retinde de qaraw múmkin.“Kadrlar tayarlaw milliy programması” da sociallıq ómirdiń barlıq tarawlarında informaciyalar menen islewdi jedellestiriw jobalarına úlken áhmiyet berildi. Usınıń menen birge barlıq tarawlarǵa zamanagóy informaciya texnologiyalardı keń engiziw boyınsha mámleketimiz hákimyatı tárepinen bir qansha zárúrli qarar hám programmalar qabıllandı. 1999-jıldıń fevralında Ózbekstan Respublikası Ministrler Mákemesiniń “Maǵlıwmatlardı uzatıw milliy tarmaǵın shólkemlestiriw hám jáhán informaciya tarmaqlarınan paydalanıwdı tártipke salıw tuwrısında” sheshimi qabıllandı. Jámiyetimizdiń túrli tarawları rawajlanıp atırǵan búgingi kúnde informaciyalardıń mámleketlerara, tarawlar arasında hám shólkemler ara almasıwı máselesi jańa-jańa texnika hám texnologiyalar qollaw zárúrshiligin tuwdırıp atır. Respublikamız ǵárezsizligi jáne onıń jáhán jámiyetshiligindegi abırayı artıp baratırǵanlıǵı, informaciyalardıń tekǵana mámleketimiz ishinde, bálki dúnyadaǵı basqa mámleketlikler menen almasıwı máselesin qoyıp atır.Bul informaciyalarrespublikamızdıńekonomikalıq hám social jaǵdayın kóteriwge qaratılǵan.Házirde zamanawiy informaciya texnologiyalarınan túrli tarawlarda paydalanıwǵa úlken itibar berilip atırǵanlıǵı, sonıń menen birge, túrli informaciya resurslarınan paydalanıw, ashıq tarmaq sistemalarına jalǵanıw hám odan paydalanıw kúndelik mútájlikke aylanıp barıp atır.Bunday sistemalarda ashıqlıqtıń asırılıwı, óz gezeginde informaciya almasılıwın basqarıw hám baqlaw qılıw ushın arnawlı sharalardı kóriwdi talap etedi.Sol jıldıń ózinde “1999-2003-jıllarda Ózbekstan Respublikasında maǵlıwmatlar uzatıw milliy tarmaǵın modernizaciyalaw jáne onı rawajlandırıw” programması qabıllandı.
Bul bolsa óz gezeginde hár bir kárxana, shólkem hám mákemelerdiń óz informaciya almasıw sistemasıların jaratıwları, usınıń menen birgelikte informaciya-telekommunikacion texnologiyaları múmkinshiliklerinen paydalanıwları jáne bul bolsa óz gezeginde lokal hám de global tarmaqlardan paydalanıwda tarmaq operacion sistemalarınıń múmkinshiliklerin jetilisken úyreniwdi talap etedi.Operacion sistema, paydalanıwshılar ushın da, atqarılıwshı qosımshalar ushın da interfeysti quraydı.Paydalanıwshılar hám kóplegen xızmetshi programmalar,DTdan hámme programmalarda tez-tez ushıraytuǵın ámellerdi orınlawdı soraydı.
Bunday ámellerge, birinshi náwbette, kirgiziw-shıǵarıw, qandayda bir-bir programmasın jumısqa túsiriw hám toqtatıw, qosımsha yad blokın alıw yamasa onı bosatıw hám basqa kóplegen ámeller kiredi.Bunday ámellerdi hár sapar programmalastırıw hám ekilik kod retinde dástúr ishine tikkeley kirgiziw maqsetke muwapıq emes bálki, olardı birgelikte jıynap programmadan “soraw” arqalı orınlawǵa beriw qolaylı esaplanadı.Bul óz gezeginde operatsion sistemanıń zárúrli funkciyalarınan biri bolıp tabıladı. Ámeliy programmalar, hám kóplegen sistemalı islew beretuǵın programmalar, (m-n, programmalastırıwsistemaları yamasa maǵlıwmatlardı basqarıw sistemaları ) kompyuter apparaturası menen tikkeley baylanıstıra almaydı hám olar menen operacion sistemaǵa shaqırıq etiw arqalı baqlanadı.
Paydalanıwshılar ushın da, operacion sistema komandasın kirgiziw menenyamasa sistema usınıs etetuǵın múmkin bolǵan háreketler arqalı óz programmaları hám kompyuter menen baylanıs etediler.Bunday óz-ara baylanıs tek operacion sistema arqalıǵana ámelge asırıladı.Bunday zárúrli funkciyanı orınlawdan tısqarı, operacion sistema esaplaw resursların nátiyjeli bólistiriw hám esaplawdı isenimli shólkemlestiriwge juwap beredi.Operacion sistema tiykarların hám olardıń islew principlerin biliw, kompyuterden nátiyjeli paydalanıwǵa alıp keledi.Operacion sistemalardı tereń úyreniw, eń dáslep bul bilimlerdi, programmalıq támiynat jaratıwda isletiwge múmkinshilik beredi.