Kompyuter grafikasi va kartalarni jihozlash fanining mohiyati va vazifalari

Reysfeder bilan chizish
Plan va xaritalar tush bilan chizilib tayyor holga keltiriladi. Uning asosiy qismi tushda reysfeder bilan ko’tariladi.

Buning uchun reysfeder bilan chizishning asosiy qoidalarini o’rganib ularga rioya qilish zarur.

Reysfeder qog’oz sirtiga tik (perpendikulyar) ravishda ushlanishi va uning uchlari birday qog’ozga tegishi kerak. O’ng tomonga 15⁰ gacha og’dirish mumkin. Bunda chiziq qalinligi bir xil bo’ladi.

CHizg’ichga nisbatan reysfeder qanday bo’lishi ko’rsatilgan. CHiziq chizishda reysfeder chizuvchiga qarata og’dirilsa, chiziq notekis yoki reysfederdan tush tushmasligi mumkin. O’zidan oldiga og’dirilganda tush to’kilib chizg’ichga tegib yoyiladi.

Reysfederni chapdan o’ngga sekin va ravon harakatlantirib chiziq chiziladi. Bunda chizma ko’krak balandligida bo’lsa, ish yengillashadi.

CHiziqni chizishdan ilgari alohida qog’ozda chiziq chizib, qalinlik kerakli holatga keltiriladi. Reysfeder ingichka chiziq chizma uni nam yumshoq latta bilan artib tozalanadi.

Reysfederga tush parranda patining uchi yoki alohida pero bilan qo’yiladi.

Reysfederga qo’yilgan tush shu chiziqni chizishga yetarlicha boqlishi kerak. Aks holda chiziq oxirigacha yetmasdan tugasa uning ustidan yana qayta chizish kerak bo’lib, notekis chiziq hosil qiladi.

Reysfeder bilan har xil qalinlikda turli uzunlikda chiziq chizish uchunchizma chizish talab etiladi. Markazdagi to’rtburchakning yuqori va pastki chiziqlari 50 mm dan yon tomonlari 100 mm dan, qolgan chiziqlari ketma – ket 100 mm dan kengaytirilib qalamda chizilib olinadi va markazdagi chiziqlar 0,1 mm qalinlikda, navbatdagi chiziqlarning har biri 0,1 mmga qalinlashtirilib reysfederda tushlanadi.