Kompleks darsliklar

Amaliy ish.
Gazlamalarni bo‘ylama va ko‘ndalang iplarini aniqlash.
Gazlamalardagi bo‘ylama va ko‘ndalang iplarning yo‘nalishi gazlamaning milkidan, bo‘ylama va ko‘ndalang iplarning cho‘zilishidan, tez tortish natijasida chiqargan tovushidan, bo‘ylama va ko‘ndalang iplarning ko‘rinishidan bilish mumkin.
Gazlamalarning bo‘ylama va ko‘ndalang iplarini aniqlash
Asbob va moslamalar: gazlamadan namuna (milkli - milksiz) lupa, daftar yoki albom
4-jadval

Ip yo‘nalishi	Milki	Cho‘zilishi	Ovozi	Quyuqligi	Silliqligi
Bo‘ylama ip Ko‘ndalang ip

Ishning borishi. 1. Gazlama parchasini olib bo‘ylama va ko‘ndalang iplarini belgilash. 2. Gazlama parchasini cho‘zib ko‘ring, uning qaysi tomonga ko‘proq cho‘zilishini ko‘ring. 3. Gazlama parchasini tez-tez tortib ko‘rib, qaysi vaqtda jarangli, qaysi vaqtda jarangsiz ovoz chiqishini aniqlang. 4.Gazlama parchasiga lupa orqali qarab, bo‘ylama va ko‘ndalang iplarining ko‘rinishini aniqlang (20-rasm).
Gazlamadagi iplar yo‘nalishining belgilari.

1. 
   Gazlama to‘qilishidagi asosiy (tanda) ip milkda bo‘ylama bo‘lib o‘tadi.
   
2. 
   Gazlama bo‘yiga kam, ko‘ndalangiga ko‘proq cho‘ziladi.
   

Gazlama bo‘ylama iplari bo‘yicha tez tortilganda jarangli ovoz chiqaradi.
Gazlamalarning bo‘ylama ipi ingichkaroq va silliq, ko‘ndalang ipi esa yug‘onroq va to‘qliroq bo‘ladi. Bular lupada ko‘rinadi. (21-rasm).