Компьютер системаларининг вируслар билан захарланиш профилактикаси

Е-mailдаги мавжуд муаммолар
Электрон почта билан ишлаш жараёнида қуйидаги хатоларга йўл қуйиш мумкин:

• 
  хатни тасодифан жўнатиш;
  
• 
  хатнинг нотўғри манзил бўйича жўнатилиши;
  
• 
  хатлар архивининг кескин ошиб кетиши оқибатида тизимнинг ишдан чиқиши;
  
• 
  янгиликларга нотўғри обуна бўлиш;
  
• 
  хатни тарқатиш рўйхатида хатога йўл қуйиш.
  

Агар ташкилотнинг почта тизими бевосита Internetгa уланган бўлса, йўл қўйилган хатолар оқибати кескин ошиб кетади.
Ушбу хатоларнинг олдини олиш усулларининг баъзи бирлари қуйидагилар:
- фойдаланувчиларни ўқитиш;
- электрон почта дастурларини тўғри конфигурациялаш;
- Internetдаги протоколларга тўлиқ амал қилувчи дастурларни қўллаш.
Бундан ташқари электрон почтанинг шахсий мақсадда ишлатилиши ташкилот рахбарияти учун баъзи бир муаммоларни келтириб чиқариши мумкин, чунки E-mail манзилида ташкилот номлари акс эттирилган бўлиши эхтимолдан холи эмас. Натижада, шахс жўнатаётган хат ташкилот номидан деб қабул қилиниши мумкин. Шу боис, телефонлар каби Е-mailдан шахсий ишлар учун фойдаланишни чеклаб қуйиш зарур бўлади. Албатта, буни жорий қилиш қийин масала.
Электрон почтада мавжуд хавфлар
Электрон почта билан ишлаш жараёнида қуйидаги хавфлар мавжуд:
1. Жўнатувчининг калбаки манзили. Қабул қилинган хатни Е-mail манзили аниқлигига тўлиқ ишонч хосил қилиш қийин, чунки хат жўнатувчи ўз манзилини қалбакилаштириши мумкин.
2. Хатни қўлга киритиш. Электрон хат ва унинг сарлавҳаси ўзгартирилмасдан, шифрланмасдан жўнатилади. Шу боис, уни йўлда қўлга киритиш ва мазмунини ўзгартириши мумкин.
3. Почта «бомба»си. Почга тизимига кўплаб электрон хатлар жўнатилади, натижада тизим ишдан чиқади. Почта серверининг ишдан чиқиш холатлари қуйидагилардир:

• 
  диск тўлиб қолади ва кейинги хатлар қабул қилинмайди. Агар диск тизимли бўлса, у холда тизим тамомила ишдан чиқиши мумкин;
  
• 
  киришдаги навбатда турган хатлар сонининг ошиб кетиши натижасида кейинги хатлар умуман навбатга қуйилмайди;
  
• 
  • олинадиган хатларнинг максимал сонини ўзгартириш натижасида кейинги хатлар қабул қилинмайди ёки ўчирилади;
  
• 
  фойдаланувчига ажратилган дискнинг тўлдирилиши натижасида кейинги хатлар қабул қилинмайди ва дискни тозалаб бўлмайди.