Компьютер системаларининг вируслар билан захарланиш профилактикаси

1. Автоматлаштирилган ва конфигурацияланган сканерлаш:
• автоматлашган идентификациялаш ва заиф қисмлар бўйича ҳисобот тузиш;
• доимий режа бўйича сканерлаш;
• IP манзилларни сканерлаш;
• фойдаланувчи ўрнатган параметрларни сканерлаш;
• заиф бўғинларни автоматик равишда тузатиш;
• ишончлилик ва такрорланувчанликни таъминлаш.
2. Хавфсизликни таъминлаш:
• тармоқ воситаларини инвентаризациялаш ва мавжуд асосий заиф бўғинларни идентификациялаш;
• асосий хисоботларни таққослаш ва келгусида улардан фойдаланиш учун таҳлил қилиш.
3. Фойдаланишнинг оддийлиги:
• фойдаланувчининг график интерфейси;
• HTML туридаги тартибланган хисоботларни яратиш;
• сканерлашни марказлаштирилган ҳолда бажариш, бошқариш ва мониторинг ўтказиш.
Internet Scanner SAFEsuite пакетида қуйидаги дастурлар мавжуд: Web Security Scanner, FireWall Scanner ва Intranet Scanner.
Web Security Scanner бевосита Web-серверларда мавжуд заиф қисмларни аниқлашга мўлжалланган бўлиб, бу дастурнинг имкониятлари қуйидагилардан иборат:
• Web-сервер ўрнатилган операцион тизимни аудитлаш;
• Web-серверда мавжуд дастурларни аудитлаш;
• Web-файлларда мавжуд скриптларни аудитлаш;
• Web-сервер конфигурациясини тестдан ўтказиш;
• асосий файллар тизимининг хавфсизлик даражасини аниқлаш;
• скриптларда мавжуд хатоларни аниқлаш;
• бажарилган ишлар бўйича хисоботлар яратиш ва хатоларни тузатиш борасида таклифлар бериш.
FireWall Scanner дастури бевосита тармоқлараро экранда мавжуд бўлган заиф қисмларни аниқлашга мўлжалланган бўлиб, у қуйидаги амалларни бажаради:
• тармоқлараро экранга хужумлар уюштириб, уни тестдан ўтказиш;
• тармоқлараро экран орқали ўтадиган тармоқ, хизматларини сканерлаш.
Intranet Scanner дастури компьютер тармоғида мавжуд камчиликларни тармоқка рухсатсиз киришларини амалга ошириш орқали тестдан ўтказиш ёрдамида аниқлашга йўналтирилган. Тармоқнинг ҳар хил қисмлари (хост-компьютерлар, йўлловчилар, Web-серверлар, Windows 9.x/NT тизимида ишлайдиган компьютерлар) ни текширишни хам амалга оширади.
Юқорида келтирилганлардан ташқари компьютер тизимларига рухсатсиз киришларни доимий равишда назорат қилувчи дастурлар, масалан, Internet Security Systems компанияси томонидан ишлаб чиқилган Real Secure дастури хам мавжуд. Бу дастур тармоқда содир этилаётган ходисалар, масалан, хакерларнинг хужумларини қайд қилиш билан биргаликда фаол ҳимоя чора-тадбирларини ташкиллаштириши мумкин. Real Secure дастури йирик ташкилотлар учун мўлжалланган бўлиб, хар куни тинимсиз ишлашга мўлжалланган.