Toad data modeler муҳити

TOAD DATA MODELER МУҲИТИ

БББТ жуда юқори суръатда ривожланмоқда ва турли ахборот тизимларида кенг қўлланил­моқда. Берилганлар базаларини лойиҳалаш ва модел­лаштириш ва яратилган моделларни БББ тизимига узатиш, ҳамда ББ ишлаш учун турли хилдаги инст­рументал муҳитлар яратилмоқда. Биз ана шундай инструментал муҳитлардан бири, яъни замонавий Toad Data Modeler муҳити билан танишамиз, ҳамда берилганлар базаларини лойиҳалаш бўйича назарий жиҳатдан олган билимлари­мизни ушбу муҳит доирасида амалга оши­риш имкониятларидан фойдала­намиз.
Quest Software компаниясининг Toad Data Modeler муҳити берилганлар базасининг мавжуд бўлган тизимларини тахлил қилиш ёки янгиларини яратиш, қўллаб-қувватлаш ва хужжатлаш­тиришда график алоқалардан фойдаланган ҳолда мутахассисларга ёрдам беради. Toad Data Modeler муҳити берилганлар базасининг тузилишини мавжуд бўлган база асосида лойиҳалаш, моделларни янгилаш, SQL тилини яратиш ва генерация­лаш, моделларни таққослаш ва ўзгартирилган скриптларни (программа кодларини) гене­ра­ция қилиш, ҳамда HTML ва RTF форматларида ҳисоботларни яратиш имкониятларини беради.


Toad Data Modeler муҳитида қуйидагиларни амалга ошириш мумкин:

• 
  берилганлар базасининг тузилишини намойишли тарзда яратиш, яъни мантиқий ва физик лойиҳалашда ”моҳият-алоқа” диаграммаларини (ERD) яратиш;
  
• 
  Oracle, Microsoft SQL Server, MySQL, PostgreSQL, DB2, Sybase ASE, Sybase SQL Anywhere ва бошқа БББТ учун ERD яра­тиш;
  
• 
  берилганлар базасининг мавжуд тузилишларини акс лойи­ҳалаш ва уларни диаграмма шаклида кўриш;
  
• 
  диаграммаларга мантиқий берилганларни қўшиш ва мав­жуд берилганлар базалари­нинг тузилишини яхши тавсиф­лаш;
  
• 
  ERD моделни текшириш ва хатолар, огоҳлантиришлар ва ёрдам олиш;
  
• 
  мақсадли берилганлар базасининг SQL тилидаги кодини автоматик генерация қи­лиш;
  
• 
  HTML, RTF ёки PDF форматларда хужжатларни батафсил генерациялаш;
  
• 
  ўзгартирилган скриптларни генерациялаш ва моделларни бирлаштириш хоссалари­дан фойдаланган ҳолда, моделни физик мавжуд бўлган ББ билан синхронлаш­тириш (мослаштириш);
  
• 
  “Нақллар менежери” дан фойдаланган ҳолда, ўзгартириш­ларни кузатиш;
  
• 
  “to-do- рўйҳат” дан фойдаланган тарзда, моделга ёки унинг қисмига тегишли бўлган масалалар рўйҳати яратиш ва қўллаб-қувватлаш;
  
• 
  муҳитни талабга биноан созлаш ва ҳ.к.
  

Муҳитнинг афзалликлари:

• 
  тизимни яратишдага хоталарни камайтириш;
  
• 
  тизимни яратишдаги юқори самарадорликка эришиш;
  

• 
  берилганлар базасининг тузилишини визуаллаштириш ва мавжуд базаларни тузилиши­ни чуқур тушуниш;
  

• 
  автоматик тарзда бажарилган ишларни текшириш;
  

• 
  ўта батафсил ҳисоботларни HTML ёки RTF да генерациялаш;
  

• 
  мавжуд берилганлар базалари билан ишлаш;
  

• 
  мавжуд берилганлар базаларининг тузилишини замонавий даражада ушлаб туриш.
  

Муҳитнинг энг асосий тавсифномалари:

• 
  берилганларнинг универсал (умумий) реляцион, мантиқий ва физик моделларини яра­тиш;
  

• 
  турли БББ тизимларини қўллаш;
  

• 
  акс лойиҳалаш;
  

• 
  SQL/DDL скриптларни генерациялаш;
  
• 
  ўзгартирилган скриптларни генерациялаш;
  

• 
  HTML/RTF ҳисоботларни яратиш;
  

• 
  моделларни тавсифлаш;
  

• 
  моделларни бирлаштириш;
  

• 
  моделларни таққослаш;
  

• 
  моделларни текшириш;
  

• 
  автоматик тарзда макетларни яратиш;
  

• 
  тахрирланувчи шаклларни яратиш;
  

• 
  нусхалардан фойдаланиш;
  

• 
  ошкормас қийматлардан фойдаланиш;
  

• 
  иловалардаги ўзгарувчилардан фойдаланиш;
  

• 
  макрослар ва созланувчи шаклларни яратиш;
  

• 
  ўрнатилувчи чизимлардан фойдаланиш;
  
• 
  лойиҳаларни яратиш;
  
• 
  моделларни янгилаш;
  
• 
  объектлар ёки уларнинг гуруҳларини миқёслаш;
  

• 
  “to-do- рўйҳат” лардан фойдаланиш ва ҳ.к.
  

Toad Data Modeler муҳитида берилганлар базасини модел­лаштириш жараёни жуда қулай. Бу муҳит ёрдамида ихтиёрий ББ нинг концептуал, мантиқий ва физик моделини яратиш мумкин.
Toad Data Modeler муҳитида янги ББ ни яратиш, мавжуд берилганлар базасини очиш ва ўзгартириш мумкин.
Toad Data Modeler муҳитида жадваллар, сўровлар яратиш мумкин. Яратилган жадвалга бирламчи ва ташқи калитларни қўшиш мумкин.
Toad Data Modeler муҳитида келтирилган имконият­ларни чуқурроқ ўрганиш учун Talaba­lar ўқув лойиҳасини икки усулда моделлаштиришни амалга оширамиз. Бирин­чи усулда берилган базасининг концептуал (универсал) реляцион моделини яратамиз ва уни юқорида келтирилган БББ тизимларидан бирига конвертация қилишгача бўлган ҳамма босқичларни кўрамиз. Иккинчи усулда эса, аввал мантиқий моделни яратамиз ва сўнгра мантиқий моделни физик моделга ўтказиб, уни текшириб, хатолари бўлса тузатиб, MS Access ва MS SQL Server 2005 реляцион БББ тизимлари учун берилганлар базаси ва SQL сўровларни яратиб, уларнинг скриптларини ҳосил қиламиз.