Компьютер системаларининг вируслар билан захарланиш профилактикаси

Тармоқлараро экраннинг асосий компонентлари. Тармоқлараро экранларнинг компонентлари сифатида қуйидагиларни келтириш мумқин: фильтрловчи – йўлловчи; тармоқ даражасидаги шлюзлар; амалий даражадаги шлюзлар.
Фильтрловчи-йўлловчи — йўлловчи, яъни компьютер тармоғида маълумотларни манзилга етказувчи дастурлар пакети ёки сервердаги дастур бўлиб, у кирадиган ва чиқадиган пакетларни фильтрлайди. Пакетларни фильтрлаш, яъни уларни аниқ тўпламга тегишлилигини текшириш, TCP/IP сарлавҳасидаги маълумотлар бўйича амалга оширилади.
Фильтрлашни аниқ хост-компьютер, яъни тармоқдаги файл ва компьютер заҳираларига киришни амалга оширувчи компьютер ёки порт, яъни хабарларни жўнатиш ёки қабул қилиш мақсадида мижоз ва сервер томонидан ишлатиладиган ва одатда 16 битли сон билан номланадиган дастур билан уланишда амалга ошириш мумкин.
Тармоқ даражасидаги шлюзлар ишончли мижозлардан аниқ хизматларга сўровномасини қабўл қилади ва ушбу алоқанинг қонунийлигини текширгандан сўнг уларни ташқи хост-компьютер билан улайди. Шундан сўнг шлюз иккала томонга хам пакетларни филътрламай жўнатади.
Бундан ташқари, тармоқ даражасида шлюзлар бевосига сервер-даллол вазифасини бажаради. Яъни, ички тармоқдан келадиган IP манзиллар ўзгартирилиб, ташқирига фақатгина битта IP манзил узатилади. Натижада, ички тармоқдан ташқи тармоқ билан тўғридан-тўғри боғламайди ва шу йўл билан ички тармоқни ҳимоялаш вазифасини ўтайди.
Амалий даражадаги шлюзлар фильтрловчи-йўлловчиларга мансуб бўлган камчиликларни бартараф этиш мақсадида ишлаб чиқилган. Ушбу дастурий восита ваколатланган сервер, деб номланади ва у бажарилаётган хост-компьютер эса амалий даражадаги шлюз деб аталади.
Амалий даражадаги шлюзлар мижоз ва ташқи хост-компьютер билан тўғридан-тўғри алоқа ўрнатишга йўл қўймайди. Шлюз келадиган ва жўнатиладиган пакетларни амалий даражада фильтрлайди. Сервер-даллоллap шлюз орқали аниқ сервер томонидан ишлаб чиқилган маълумотларни қайтадан йўналтиради.
Амалий даражадаги шлюзларнинг афзалликлари қуйидагилардан иборат:

• 
  глобал тармоқ томонидан ички тармоқ таркиби кўринмайди;
  
• 
  ишончли аутентификация ва қайд қилиш;
  
• 
  фильтрлаш қоидаларининг енгиллиги;
  
• 
  кўп тамойилли назоратларни амалга ошириш мумкинлиги.
  

Фильтрловчи-йўлловчиларга нисбатан амалий даражадаги шлюзларнинг камчиликлари қуйидагилардан иборат самарадорлигининг пастлиги; нархининг қиммат бўлиши.