Kompetensiyaviy yondashuv. Shaxsga yo’naltirilgan texnologiyalar Reja: Kirish Asosiy qism

Ijtimoiy faol fuqarolik kompetensiyasi jamiyatda boʻlayotgan voqea, hodisa va jarayonlarga daxldorlikni his etish va ularda faol ishtirok etish, oʻzining fuqarolik burch va huquqlarini bilishi, unga rioya qilishi, ijtimoiy-iqtisodiy munosabatlarda muomala va huquqiy madaniyatga ega boʻlish layoqatini nazarda tutadi.
Milliy va umummadaniy kompetensiya vatanga sadoqatli, insonlarga mehr-oqibatli hamda umuminsoniy va milliy qadriyatlarga e’tiqodli boʻlishni, badiiy va san’at asarlarini tushunish, orasta kiyinish, madaniy me’yorlarga va sogʻlom turmush tarziga amal qilish layoqatini nazarda tutadi.
Matematik savodxonlik, fan va texnika yangiliklaridan xabardor boʻlish hamda foydalanish Kompetensiyasi aniq hisob-kitoblarga asoslangan holda shaxsiy, oilaviy, kasbiy va iqtisodiy rejalarni tuza olish, kundalik faoliyatda turli formula, modelь, chizma va diagrammalarni oʻqiy olish, inson mehnatini yengillashtiradigan, mehnat unumdorligini oshiradigan, qulay shart-sharoitga olib keladigan fan va texnika yangiliklaridan foydalana olish koʻnikmalarini nazarda tutadi.
Bu “Kadrlar tayyorlash milliy dasturi”ning quyida qayd etilgan maqsad-vazifalariga toʻla mos keladi: «Inson, uning har tomonlama uygʻun kamol topishi va farovonligi, shaxs manfaatlarini roʻyobga chiqarishning sharoitlari va ta’sirchan mexanizmlarini yaratish, eskirgan tafakkur va ijtimoiy hulq-atvorning andozalarini oʻzgartirish respublikamizda amalga oshirilayotgan islohotlarning asosiy maqsadi».¹
SHuningdek, ta’limda har bir oʻquv fanini oʻzlashtirish jarayonida oʻquvchilarda, shu fanning oʻziga xosligi, mazmunidan kelib chiqqan holda, har bir fanning oʻziga, sohaga, yoʻnalishga tegishli fanga oid kompetensiyalar ham shakllantiriladi. Jumladan, oʻzbek tilini oʻrganishda oʻquvchi-talabalar nutqiy va lingvistik kompetensiyalarni egallashlari talab etiladi.
Fanga oid kompetensiyalar. Oʻzbek tili ta’limida oʻquvchi-talabalar nutqiy, lingvistik kompetensiyalardan iborat fanga oid Kompetensiyalarni egallashlari talab etiladi.