|
6-боб. Кузатувчиларнинг, сиёсий партиялар ваколатли вакилларининг, оммавий ахборот воситалари вакилларининг ҳуқуқ ва мажбуриятлари
33-модда. Сиёсий партиялардан, фуқароларнинг ўзини ўзи бошқариш органларидан, бошқа давлатлар ва халқаро ташкилотлардан кузатувчилар
Сиёсий партиялардан, фуқароларнинг ўзини ўзи бошқариш органларидан, шунингдек бошқа давлатлар ва халқаро ташкилотлардан кузатувчилар ўз фаолиятини тегишли комиссиялар томонидан берилган мандатлар асосида амалга оширади.
LexUZ шарҳи
Қаранг: мазкур модданинг учинчи қисми, мазкур Кодекснинг 14-моддаси биринчи, ўн биринчи, ўн учинчи хатбошилари, 34-моддаси иккинчи қисми.
Олдинги таҳрирга қаранг.
Манфаатдор ташкилотлар ўз кузатувчилари тўғрисида сайлов комиссияларига сайловдан камида ўн кун олдин ариза билан маълум қилади.
(33-модданинг иккинчи қисми Ўзбекистон Республикасининг 2021 йил 8 февралдаги ЎРҚ-670-сонли Қонуни таҳририда — Қонун ҳужжатлари маълумотлари миллий базаси, 09.02.2021 й., 03/21/670/0089-сон)
Манфаатдор ташкилотдан ариза олинганидан кейин беш кун ичида сайлов комиссияси кузатувчи учун мандат беради. Бошқа давлатлардан, халқаро ташкилотлардан кузатувчиларга мандатлар Марказий сайлов комиссияси томонидан берилади.
Кузатувчилар қуйидаги ҳуқуқларга эга:
сайлов комиссияларининг мажлисларида ҳозир бўлиш;
LexUZ шарҳи
Қаранг: мазкур Кодекснинг 8-моддаси тўртинчи, бешинчи қисмлари, 16-моддаси биринчи қисми, 26-моддаси биринчи қисми, 58-моддаси тўртинчи, бешинчи қисмлари.
номзодлар кўрсатишга бағишланган йиғилишларда, номзодларнинг сайловчилар билан учрашувларида иштирок этиш;
LexUZ шарҳи
Қаранг: мазкур Кодекснинг 64-моддаси иккинчи қисми, 70-моддаси иккинчи қисми, 79, 80, 91-моддалари.
сайлов участкасида ҳозир бўлиш, тайёргарлик ишларининг боришини, яширин овоз бериш кабиналарининг ёки хоналарининг жойлаштирилишини ва сайлов қутиларининг муҳрланишини, фуқароларнинг рўйхатга олинишини, сайлов бюллетенларининг уларга берилишини кузатиш;
LexUZ шарҳи
Қаранг: мазкур Кодекснинг 11-моддаси еттинчи қисми, 54-моддаси иккинчи қисми, 56-моддаси иккинчи қисми, 58-моддаси биринчи, бешинчи қисмлари.
овозлар санаб чиқилаётганда ва сайлов комиссиясининг баённомаси тузилаётганда ҳозир бўлиш;
LexUZ шарҳи
Қаранг: мазкур Кодекснинг 58-моддаси биринчи, бешинчи қисмлари, 82, 94-моддалари.
сайлов натижалари тўғрисидаги ҳужжатларнинг тегишли сайлов комиссияси томонидан тасдиқланган кўчирма нусхаларини сўраш ва олиш;
LexUZ шарҳи
Қаранг: мазкур Кодекснинг 58-моддаси бешинчи қисми.
агар тегишли сайлов участкасида ушбу Кодекснинг талаблари бузилишига йўл қўйилган деб ҳисоблаш учун асослар бўлса, ўз кузатувлари тўғрисида тегишли сайлов комиссиясига маълум қилиш.
Кузатувчиларга қуйидагилар тақиқланади:
сайловчи сайлов бюллетенига ўз белгисини қўяётган пайтда яширин овоз бериш кабинасида ёки хонасида бўлиш;
LexUZ шарҳи
Қаранг: мазкур Кодекснинг 55-моддаси биринчи қисми.
фуқароларга таъсир ўтказиш, бирон-бир ташвиқот материалини ёки адабиётини тарқатиш;
LexUZ шарҳи
Қаранг: мазкур Кодекснинг 7-моддаси иккинчи қисми.
сайловчилардан улар қандай овоз берганлигини суриштириш ёки сайловчиларга сайлов бюллетенига белги қўйишда бирон-бир тарзда ёрдам кўрсатиш;
LexUZ шарҳи
Қаранг: мазкур Кодекснинг 7-моддаси.
сайлов комиссиясининг фаолиятига, шу жумладан сайлов қутиларини муҳрлашга, уларни очишга, овозларни санаб чиқишга аралашиш.
LexUZ шарҳи
Қаранг: мазкур Кодекснинг 11-моддаси учинчи қисми, Ўзбекистон Республикаси Марказий сайлов комиссиясининг 2019 йил 5 октябрдаги 951-сонли қарори билан тасдиқланган «Сиёсий партиялар ва фуқароларнинг ўзини ўзи бошқариш органларидан кузатувчилар тўғрисида низом».
Олдинги таҳрирга қаранг.
Кузатувчилар ҳарбий қисмларда, қамоқда сақлаш ва озодликдан маҳрум этиш жойларида тузилган сайлов участкаларига бориши ҳақида камида уч кун олдин участка сайлов комиссиясини хабардор қилиши керак.
(33-модда Ўзбекистон Республикасининг 2021 йил 8 февралдаги ЎРҚ-670-сонли Қонунига асосан олтинчи қисм билан тўлдирилган — Қонун ҳужжатлари маълумотлари миллий базаси, 09.02.2021 й., 03/21/670/0089-сон)
Do'stlaringiz bilan baham: |
