Klinik laboraтoriya тekshirish usullari

4.7. Najasdagi yashirin qonni piramidon
sinamasi bilan tekshirish
Najasni yashirin qonga tekshirish uchun ratsiondan go‘sht va
baliq mahsulotlari, shuningdek, yod, brom va temir saqlagan
dorilar chiqarilib, bemor 3 kun mobaynida tayyorlanadi. Тo‘rtinchi
kuni najas olinib, laboratoriyaga jo‘natiladi. Najasni «yashirin» qon
borligiga tekshirish najas tarkibida juda oz miqdorda qon mavjudligini
aniqlash uchun ahamiyatli. Reaksiya gemoglobinning oksidlanish
jarayonini keskin tezlashtirib, katalizator vazifasini bajaradi.
Reaktiv tarkibiga yengil oksidlanib, uning rangini o‘zgartiradigan
va kislorod beradigan modda kiradi. Eritrotsitlarni parchalash uchun
sirka kislota qo‘llaniladi.
Benzidin sinamasi.  Najas buyum oynasiga qalin qilib surtiladi,
sirka kislotadagi benzidin eritmasidan 2–3 tomchi qo‘shiladi va
shuncha miqdordagi vodorod peroksidi bilan aralashtiriladi. Agar
najasda qon bo‘lsa, 2 daqiqa o‘tgach yashil yoki ko‘k-yashil rang
paydo bo‘ladi u musbat reaksiya hisoblanadi.
Amidopirin sinamasi. Najas 10 marta suyultiriladi. Mazkur
suyuqlikdan 2–3 mg olinadi, unga shuncha miqdorda 5 % li sirka
kislota va vodorod peroksidi qo‘shiladi. Musbat reaksiyada ko‘k-
binafsha rang hosil bo‘ladi. Yashirin qonga musbat reaksiya me’da-
ichak sistemasida yara, o‘sma mavjudligida kuzatiladi.
NAZORAT SAVOLLARI
1. Hazm tizimiga qaysi organlar kiradi?
2. So‘lak bezlari qayerda joylashgan va ular qanday fermentlar ishlab chiqaradi?
3. Zond turlarini bayon qiling.
4. Liporskiy nonushtasi qanday tayyorlanadi?
5. Ingichka zondning afzalliklari.
6. Gelmintlarning qanday turlari bor?
7. Najasdagi yashirin qon qanday tekshiriladi?
?

---

87
V bob.
 GEMOPOEZ
5.1. Qonning vazifasi. Shakliy elementlarning