Klinik laboraтoriya тekshirish usullari

Spirt bilan qotirish (fiksatsiya qilish)
A. Zaruriy materiallar: yupqa va quruq qon surtmasi; etil spirt
solingan flakon-tomizgich; bo‘yash uchun taglik.
B. I s h n i n g b o r i s h i :
1. Surtmani bo‘yash uchun mo‘ljallangan taglikka qo‘yiladi.
2. Surtmaga ikki-uch tomchi spirt tomiziladi.
3. Surtma ikki-uch minut davomida qotirilishi kerak.
4. Surtmadan ortiqcha spirtni quyib tashlanadi va surtmani
Romanovskiy-Gimza bo‘yog‘i bilan bo‘yalgungacha batamom qurib
olishi uchun havoda qoldiriladi.
Yodda tutish kerak! Spirt tarkibida suv bo‘lmasligi kerak. Aks
holda u hujayralarni kerakli shaklda qotirmaydi. Joriy ish uchun
spirtning bir qismini qopqoqli flakon-tomizgichga quyib qo‘yiladi.
Yupqa surtmani Romanovskiy-Gimza usulida bo‘yash
A. Zaruriy reaktiv va jihozlar: spirt bilan qotirilgan yupqa qon
surtmasi; bo‘yash uchun shtativ (taglik); soat; pinsetlar; bufer
suvli (pH 6,8–7,2) shisha idish; surtmalarni quritish uchun
shtativ (taglik); yangi tayyorlangan 10% li Romanovskiy-Gimza
bo‘yog‘i (ishchi eritma).
17-rasm.
Qon surtmasini bo‘yash.

---

114
B. I s h n i n g b o r i s h i :
1. Quruq surtmani bo‘yash uchun ishlatiladigan shtativga
(taglikka) qo‘yiladi.
2. Surtmaning butun yuzasiga bo‘yoqni sekin quyiladi.
3. Soatni ishga tushirib, surtmani 10 minut davomida bo‘yaladi.
4. Surtmali oynani pinset bilan olib, qiya holatda bo‘yoqni buferli
suv bilan sekin yuvib tashlanadi. Bu ishni ikki-uch marta
takrorlanadi.
5. Surtmani quritish uchun shtativga (taglikka) qo‘yiladi.
6. Surtmani mikroskopda tekshirishdan oldin ochiq havoda
yaxshilab quritib olinadi (17-rasm).
Yodda tutish kerak! Leykotsitar formulani sanashda buferli
suv pH 6,8—7,2 ni tashkil etadigan bo‘lishi kerak.