Klinik laboraтoriya тekshirish usullari

Eritrotsitlarning umumiy sonini aniqlash
A. Zaruriy reaktiv va jihozlar: kapillar qon; formalin sitrati;
70% li etil spirti; 0,2 % li xloramin; distillangan suv; 3% li xloramin;
tiqinli probirkalar; probirkalar uchun shtativ; 5 ml li piрetkalar;
0,02 ml li piрetkalar; noksimon piрetka; sanoq kamerasi va to‘g‘ri
tushadigan qoplagich oyna.
B. A n i q l a s h u s u l i :
1. Noksimon rezina piрetkadan foydalanib, probirkalarga 4 ml
dan formalin sitrati eritmasini quyib chiqiladi.
2. Probirkalarni bemorning yo‘llanmasidagi tartib raqamiga to‘g‘ri
keladigan raqamlar bilan belgilab chiqiladi.

---

109
3. Piрetkani 0,02 ml darajasiga qadar qon bilan to‘ldiriladi,
unda havo pufakchalari yo‘qligiga ishonch hosil qilinadi.
4. Piрetkaning tashqi tomonidagi qonni artib olinadi.
5. Piрetkadagi qonning belgilangan darajada turganiga ishonch
hosil qilinadi.
6. Qonni formalin sitrati (1:200 suyultirilgan) quyilgan pro-
birkaga solib, piрetkani eritmada uch marta chayib olinadi.
7. Hosil bo‘lgan aralashmani 2 daqiqa davomida yaxshilab
aralashtiriladi. Probirkani tiqin bilan berkitib, 2 daqiqa davomida
ag‘darib, silkitib turgan ma’qul.
8. Qoplagich oynani hisob kamerasi ustiga qo‘yiladi va uni sal
bosib turgan, u yoki bu tomonga ohista yurgizgan holda shu oynada
kamalak rangli halqa (Nyuton halqasi) paydo bo‘lguncha kameraga
ishqalab yopishtiriladi.
9. Hisob kamerasining bir tomonini to‘ldirish uchun piрetkani
kichik burchak ostida tutib, oyna chetiga tekkiziladi. Kamerani toshirib
yubormaslik kerak.
10. Qondagi shaklli elementlar cho‘kib tushishi uchun kamerani
2 daqiqa tinch holatda saqlab turiladi.
Yodda tutish kerak! Тo‘g‘ri tushadigan maxsus qoplagich
oynadan foydalanish va uni sanoq kamerasiga ishqalab to‘g‘ri
yopishtirish juda muhim. Qoplagich oynaning noto‘g‘ri o‘rnatilishi
kamera hajmining o‘zgarib qolishiga sabab bo‘lib, natijaning
noto‘g‘ri chiqishiga olib keladi.
Sanoq kamerasida hujayralarning notekis taqsimlanishi ko‘p
uchraydigan xatolarning sababidir. Sanashda xato kam bo‘lishi
uchun kameradagi hujayralar emulsiyasi sanoq boshlangunga qadar
cho‘kib tushishi uchun 2 daqiqa davomida tinch holatda qolishi
kerak. Bundan tashqari, sanashda xato qilish ehtimolini kamaytirish
uchun yaxshilangan Noybauer kamerasining katta kvadratlari yoki
Goryayev kamerasining ularga ekvivalent bo‘lgan kvadratlaridagi
hujayralarni sanab chiqish tavsiya etiladi.