Klinik anatomiya, II jild. Qorin parda va hosilalari. Gulmanov Ilich Djumabaevich

Qorin parda xaltalari. 

Jigarning o‘ng xaltasi – diafragma hamda jigarning o‘ng bo‘lagi orasida 

joylashgan bo‘lib 5 ta devori bor: yuqorida – diafragmaning pay markazi, pastda 

–  jigar  o‘ng  bo‘lagining  yuqori  yuzasi;  orqada  –  jigarning  o‘ng  tojli  boylami; 

ichkarida  –  o‘roqsimon  boylam;  tashqarida–  diafragmaning  muskul  qismi.  Bu 

yerda ko‘pincha diafragma osti abssesslari joylashishi mumkin. 

Jigarning  chap  xaltasi  –  jigarning  chap  bo‘lagi  va  diafragma  orasida 

bo‘lib,  oldindan  diafragmaning  muskul  qismi  bilan  ;  orqadan  –  jigarning  chap 

toj  boylami,  ichki  tomondan  –  o‘roqsimon  boylam  va  tashqi  tarafdan 

uchburchak boylam bilan chegaralangan.