Klinik anatomiya, II jild. Qorin parda va hosilalari. Gulmanov Ilich Djumabaevich

Qorin  parda  bo‘shlig‘ining  yuqorigi  qavatida  jigar,  o‘t  pufagi  va  o‘t 

yo‘llari,  qizilo‘ngachning  qorin  qismi,  oshqozon,  o‘n  ikki  barmoq  ichakning 

yuqori  bo‘limi,  oshqozon  osti  bezi,  taloq  hamda  o‘ng  va  chap  jigar,  oshqozon 

oldi va charvi xaltalari, taloqning ko‘r xaltasi, kichik charvi joylashgan bo‘lsa, 

pastki  qavatida  esa,  o‘n  ikki  barmoq  ichakning  pastki  bo‘limi,  katta  charvi, 

ingichka va chambar ichaklar, o‘ng va chap yon kanallar, o‘ng va chap tutqich 

kamgaklari (qo‘ltiqlari) hamda cho‘ntaklar o‘rin olgan. 

Qorin  yuqori  qavatining  o‘ng  tomonini  o‘ng  diafragma  osti  bo‘shlig‘i 

(unda  jigar  xaltasi  joylashgan),  chap  tomonini  chap  diafragma  osti  bo‘shlig‘i 

(unda taloqning ko‘r xaltasi hamda oshqozon oldi xaltasi joylashgan) egallaydi.