Klassik universitet darsligi o'zbekiston Milliy universitetining 100 yilligiga bag’ishlanadi

Axborot  texnologiyalari 
oldin  olingan  ma’lumotlarni  joriy 
ma’lumotlar  bilan  umumiylikda  yig‘ish  va  tarkibiy  jihatdan  to‘ldirish, 
hisobga  olish  ishlarini  sezilarli  qiyinchiliklarsiz,  Shuningdek  ortiqcha 
sarf-harajatlarsiz  amalga  oshirish  imkonini  beradi.  Maxsus  ishlab 
chiqilgan dasturlar keng ko‘lamda yig‘ilgan ma’lumotlar asosida tuproqlar 
haqidagi  axborotlarni  tartibli  ko‘rinishda  mujassamlashtirgan  raqamli 
xaritalar  tarkibida  yig‘ishni  amalga  oshiradi.  Bunda  vizual  materiallar 
tizim tarkibida maksimal aniqlik darajasida raqamli shaklga o‘tkaziladi va 
geografik bog‘lanishlar asosida xarita ko‘rinishiga keltiriladi, Shuningdek 
bunda  keng  ko‘lamdagi  mavjud  qurollar  yordamida  ma’lumotlarni 
tahrirlash  imkoniyatlari  yuzaga  keladi.  GAT  muhitida  tuproqlarni 
muhofaza  qilish  yo‘nalishida  istiqbolni  ko‘zda  tutuvchi  (perspektiv) 
rejalarni tuzib chiqish osonlik bilan amalga oshiriladi. Zamonaviy olamda 
tuproqlarni 
o‘rganishda 
GAT-texnologiyalaridan 
foydalanish 
ma’lumotlarning yig‘ilishi, tahlil qilinishi, modellashtirish va ko‘rgazmali 
shaklda  taqdim  etilishida  ulkan  rol  o‘ynaydi.  GAT-texnologiyalarining 
rivojlanishi  va  modernizatsiyalanishi  hamda  ularning  tuproqshunoslik 
fanlari strukturasi tarkibiga joriy etilishi bevosita, er resurslaridan oqilona 
foydalanishning  shart-sharoitlarini  optimallashtirish  uchun  juda  muhim 
istiqbolli yo‘nalishlardan biriga aylanishiga olib kelgan.