Китоблар тўпланмаси

- 24 - 
– Сўраганинг ва унинг ўн баробари сеники ҳамда кўнглинг 
тусаган ва кўзингга ѐққан нарса сеникидир, – дейди.
*Мусо алайҳис-салом:
– Эй Роббим, энг баланд мартаба кимларга берилади

– 
дедилар. Аллоҳ:
– Шундай зотларга бериладики, уларни Мен ўзим танлаб 
олдим, уларнинг кароматларини Ўз қўлим билан экдим ва унга 
Ўзим муҳр қўйдим. У неъматларни кўз кўрмаган, қулоқ 
эшитмаган ва инсоннинг кўнглига келмагандир, – дейди". 
Имом Муслим ривояти.  
Билингки, албатта жаннат аҳли – улар Аллоҳдан қўрққан 
зотлардир. Бу қўрқув уларни ҳамиша тўғриликка ундайди ва ҳар 
қандай тойилишдан тўсиб туради. Барча тўсиқларни олиб 
ташлайдиган ва қалб ягона, ғолиб зотнинг ҳузурида яққол кўриниб 
қоладиган бу ибодат ва амални риѐ ва ширкнинг ҳар қандай 
нуқсонларидан тозалайдиган туйғудир. Роббисидан қўрққан киши 
Аллоҳ учун холис амал қилишдан бошқа нарсани қалбига 
сиғдиролмайди. Биладики, Аллоҳ бошқалар қўшиб қилинган 
амални қабул қилмайди. Зеро, Аллоҳ шерикларнинг шериклигидан 
беҳожат зотдир. Демак, У фақат Ўзи учун қилинган холис 
амалнигина қабул қилади.
"Аллоҳ таоло айтади: "Мен шерикларнинг шериклигидан 
беҳожатман. Ким бир амал қилиб унда Менга бошқани шерик 
қилса, уни шерикларига ташлаб қўяман". 
Имом Муслим ривояти.  
Жаннат эгалари Аллоҳдан қўрққан ва Аллоҳга қурбат ҳосил 
қилган тақводорлар зотлар бўлур. Аллоҳ таборака ва таоло бир 
қалбда икки қўрқувни, яъни ҳам дунѐда, ҳам Қиѐмат кунидаги 
қўрқувни жамламайди. Ким дунѐ ҳаѐтида Аллоҳдан қўрқиб яшаса, 
охиратда Аллоҳ уни хотиржам қилиб қўяди ва қўрқинчли 
ўринларда уни Ўз меҳрибонлиги ва марҳамати билан буркайди.