Kirisiw. Tiykarǵi bólim. T. Qayıpbergenovtıń shıǵarmalarında janapaylar

Gilkiy, gileń, ılgıy kómekshi sózleri janapaylıq xızmette qolanǵanda ózleri baylanıslı sózlerden burın kelip, sol sózlerge birgelkili ajıratıwshılıq máni beredi: Gilkiy qońıratlılar bolıp Sarıtawdı jaǵalap otırdı (K.M.). Qalanıń jaylarınıń kópshiligi házirgi usılda salınǵan kóp qabatlıgileń aq jaylar (M.S.). Ilǵıy pisken iri qawınlar palızlarda teńkeyisip jatır.

Hátteki, tánha, bir sózleri de janapaylıq xızmette kelip, ózleri dizbeklesken sózlerge ajıratıwshı-kúsheytiwshilik máni beredi: Dúrmiyinnen eń mayda nárseler, hátteki esheyinde kózge túspeytuǵın qıyqım-sıyqımlarǵa deyin kórinip turdı (Sh.A.). Bir men emes, awıldıń jigitleriniń bári solay (S.S.).