Kirish,,0'rta asrlar tarixi haqida

XIII - XV asrlarda Germaniyadagi siyosiy ahvol. Bu davrlarda feodal tarqoqlik tobora kuchaydi. Germaniya yanada maydalashdi. Imperatorlik hokimiyati hech qachon o`z qaddini avvalgidek qayta tiklay olmadi.
1273-yilda gabsburglar sulolasi vakili imperatorlik taxtini egalladi.
1347- yilda hokimiyat lyuksemburglar sulolasi qo`liga o`tdi. Bu sulola davrida Germaniya imperatori yetti nafar saylovchi tomonidan saylanadigan tartib qaror topdiyUlarning to`rt nafari qudratli knyazlardan, uch nafari esa arxiyepiskop (oliy ruho-niy)lardan iborat bo`lgan.
Lyuksemburglar sulolasi 1437- yilgacha hukmronlik qilgan.
1437- yilda hokimiyat yana gabsburglar sulolasi qo`liga o`tgan. Bu sulola hokimiyatni 469 yil davomida o`z qo`lida saqlab turdi.
Xususiy merosiy knyazlik yerlari gabsburglarning tayanchi edi. Ular oilaviy nikoh vositasi orqali o`z mulklarini kengaytirib borganlar. Shu yo`l bilan keyinchalik hatto Ispaniya taxtiga ham merosxo`r bo`lib olganlaRLekin Germaniyaning gabsburglar imperatorlari hech qanday real hokimiyatga ega bo`lmaganvUlarda na doimiy qo`shin, na imperiya markaziy boshqaruv mahkamasi bo`lgan. Imperiyada umumimperiya sudi va umumimperiya solig`i ham bo`lmagan. Imperator avvalgidek birinchi feodal - knyazlarning nomigagina boshlig`i bo`lib qola bergan.
Yodda tuting Fransiya va Angliyada markazlashgan davlat vujudga kelgan bir davrda Germaniyada feodal tarqoqlik davom etgan.
Feodal tarqoqlik Germaniyani zaiflashtirdi. Oqibatda Polsha Prussiyani, Daniya esa Klezvig-Golshteynni bosib olgan.
1481 - yilda Germaniyaning tarkibidan Shveysariya mustaqil davlat bo`lib ajralib chiqqan.
31-§. Rusda feodal tarqoqlik va uning oqibatlari
Tayanch tushunchalar: Mustaqil knyazliklar. Tarqoqlik oqibatlari. Boyarlar respublikasi. Dvoryanlar. Knyazlar va boyarlar o 'rtasidagi kurash.
Kiyev Rusining bo`linib ketishi. Natural xo`jalik hukmronligi mamlakatning turli hududlari o`rtasidagi iqtisodiy aloqalarni zaiflashtirgan. Bu hodisa XII asrga kelib Kiyev Rusining mustaqil knyazliklarga bo`linib ketishiga olib keldi.
Yodda tuting Kiyev Rus davlati 15 ta mustaqil knyazlikka bo`linib ketdi.
Ular ichida Kiyev, Buyuk Novgorod, Galich-Volin, Vladimir-Suzdal knyazliklari eng yiriklari edi. Ularning har biri mustaqil o`z ichki va tashqi siyosatiga ega edi.