Kirish,,0'rta asrlar tarixi haqida

O`rta asrlarning dastlabki buyuk gumanistlari. Ulug` gumanist siymolardan biri Dante edi (1265 - 1321). U Italiyaning Florensiya shahrida tug`ilgan, „Ilohiy komediya" asari italyan millatining orzu-armonlarini ifodalagan. „Ilohiy komediya"da dunyoning mashhur allomalari qatori Ibn Sino tilga olingan. Massa-getlar malikasi, buyuk momomiz To`maris qahramonligi ham tasvir-langan.
Yana bir mashhur gumanist RBiondo (1388 - 1463) edi. U „Rim imperiyasining qulashidan boshlanadigan tarix" asarini yozgan. Bu asar ming yillik (410 - 1410) tarixni o`z ichiga oladi. Muallif o`z asarida o`rta asrlarning XV asrdan keyingi bosqichini yangi tarixning alohida davri deb ta'kidlagan edi. Asarning eng qimmatli tomoni ana shundadir.
Atamalar mazmunini bilib oling
"Gotik" atamasi german qabilasi - gotlar nomidan olingan.
Intelligensiya (ziyolilar) - ilm-fan, adabiyot va san'at bilan maxsus shug`ullanuvchi tabaqa, aqliy mehnat vakillari.
Ratusha - shahar boshqaruvi binosi.
"Roman" atamasi - „Rim" so`zidan olingan so`z.


VI bob. Yevropada feodal tarqoqlikning davom etishi


30-§. XII - XV asrlarda Germaniya
Tayanch tushunchalar: Germaniya siyosiy taraqqiyotining o`ziga xos xususiyatlari. Shtaufenlar hukmronligi davri. Gabsburglar hukmronligi. Germaniyada markazlashgan davlatning tashkil topmay qolganligi.
Siyosiy taraqqiyotning o`ziga xosligi. Germaniyaning siyosiy taraqqiyoti Fransiya va Angliyanikidan farq qilardi. Bu ikki davlat tobora markazlashib borgan bo`lsa, Germa-niyada feodal tarqoqlik hukm surardi. Mamlakat kichik-kichik knyazliklarga bo`linib ketgan edi. Imperator hokimiyati zaif edi. Imperator bor-yo`g`i feodallarning eng yirigi edi, xolos. Knyazliklar unga nomigagina vassal hisoblanardi. Buning asosiy sababi -Germaniya imperatorlarining bosqinchilik siyosati edi. Bunday siyosat Germaniya imperatorlarini yirik va mayda feodallarga butunlay bog`lab qo`ygan. Chunki bosqinchilik urushlarini ularning madadisiz amalga oshirib bo`lmas edi.
Fransiya va Angliyada shaharlar qirol hokimiyatining ittifoqchisiga aylangan bir paytda Germaniyada bu hodisa ro`y bermagan. Bunga bosqinchilik urushlarining imperatorlarni shaharlar taqdiriga befarq qilib qo`yganligi sabab bo`lgan.