Kirish,,0'rta asrlar tarixi haqida

Cherkov daromadi. G’arbiy Yevropadagi jami ekin maydon-larining 1/3 qismi cherkov mulki edi. Cherkov yerlari soliqdan ozod etilgan. Bundan tashqari, aholi cherkovga ushr deb ataluvchi soliq ham to`lab turgan.
Rim papalari dindorlarning gunohlarini pul evaziga kechirish huquqiga ham ega edilar.
Cherkov gunohkorlarning kechirganligi haqida indulgensiya sotardi. Indulgensiya savdosi ham katta daromad keltirgan.
Yeretiklar. Jamiyatda kuchayib borgan adolatsizliklar hamda ruhoniylarning asl xristian adolat tamoyillaridan chekinishi yeretiklarm vujudga keltirgan.
Cherkov yeretiklarni dindan qaytganlar deb eTon qilgan edi. Aslida shunday edimi? Aslida yeretiklar ham dindorlar, ya'ni ular ham dinga ishonishar edi. Biroq ular cherkovning dabdabali marosimlariga qarshi edilar. Bundan tashqari, ular ruhoniylarni yer-mulkdan, boylikdan, ushrdan voz kechishga chaqirganlar.
Ayni paytda yeretiklar krepostnoy dehqonlarni, kambag`allarni himoya qilganlar. Feodallarning og`ir soliqlariga qarshi chiqqanlar. Ruhoniylarni o`z qo`l kuchi bilan yashashga da'vat etganlar. Ayrimlari hatto mulkiy tenglik o`rnatilishini ham talab qilganlar.
Yeretiklarga qarshi kurash. Yeretiklarning talablari hukmron tabaqalar va cherkovni tashvishga solgan. Cherkov ularga qarshi cherkovdan chetlatish jazosini qo`llagan. Ularni inkvizitsiyaga duchor etgan. Yeretiklar ko`p deb hisoblangan viloyatlarga harbiy yurishlar uyushtirgan. Chunonchi, XIII asrning boshlarida Fransiyaning janubiy viloyatlariga qarshi shunday yurish qilingan. Gullab-yashnayotgan o`lka xarobaga aylantirilgan. Aholi qirib tashlangan. Bir shaharning o`zida 20 ming odam o`ldirilgan.
Yodda tuting Inkvizitsiya - XIII Papa tomonidan yeretiklarga qarshi kurashish maqsadida tuzilgan maxsus cherkov sudi.
Bu sudga tortilganlarga nihoyatda og`ir qiynoq jazolari qo`llanilgan. Sud nafaqat yeretiklarni, balki cherkov aqidalarining to`g`riligini shubha ostiga oluvchi har qanday buyuk allomalarni ham o`limga hukm etgan.
Atamalar mazmunini bilib oling