Kirish Mehnat va Inson resurslari haqida umumiy tushunchalar

Mehnat resurslari – mehnatga layoqatli yoshda bo'lgan mehnatga layoqatli aholi hamda mehnatga layoqatli yoshdan tashqari yoshda (pensionerlar va o'smirlar) mehnat qilayotgan shaxslarning jamlanmasidir (1.1-rasm).
XMT uslubiyotiga muvofiq iqtisodiy faol aholi iqtisodiy faolligini belgilash uchun o'rnatilgan yoshda (15-72 yosh) bo'lgan, tovarlar ishlab chiqarish va xizmatlar ko'rsatish uchun ish kuchi taklif etilishini ta'minlaydigan aholi qismidir. Iqtisodiy faol aholi iqtisodiy faoliyatining barcha sohalarida ish bilan band bo'lganlar va ishsizlarni qamrab oladi.³
1.1-jadval.Mehnat resurslari va ular bilan bog`liq tushunchalar.⁴

Iqtisodiy atamalar	Iqtisodiy atamalardi talqini
Inson	Mehnat qilish qobiliyatining egasi.
Moddiy resurslar	Moddiy ashyo omillari: yer va kapital.
Inson resurslari	Insonning mehnat qilish va tadbirkorlik qobiliyati.
Inson kapitali	Inson tomonidan ne'matlar ishlab chiqarish va xizmatlar ko'rsatish jarayonida foydalaniladigan qobiliyat va sifatlar zahirasining jamlanmasi.
Ish kuchi	Inson mehnat faoliyati jarayonida foydalanadigan jismoniy va ma'naviy qobiliyatlarining jamlanmasi.