Кириш мавзунинг долзарблиги

II боб бўйича хулосалар

Ушбу бобда булутли инфраструктура компонентларини самарали ташкил этиш ва бошқариш, булут хизматларини тақдим этишнинг қайси моделида фойдаланувчиларга қайси ресурсларни конфигурация қилиш имконияти тақдим этилиши ҳақида сўз юритилди.

Булутли инфраструктурани симуляциялаш муҳитлари GridSim, SimGrid, CloudSim, GPSS World, Arena, Extend кабилар имкониятлари кўриб чиқилди.
CloudSim платформаси - бу булутли ҳисоблаш тизимлари ва инфратузилмаларни тўлиқ моделлаштириш ва имитация қилиш имконини берадиган умумий ва кенгайтирилган имитация воситаси.
CDOSim (Cloud Deployment Options Simulator) - бу симулятор бўлиб, унинг асосий вазифаси булутли ҳисоблаш тизимининг ёки инфратузилманинг ишлашини баҳолашдир. CDOSim платформаси булутли тизимлар ва инфратузилмаларни тарқатиш учун турли xил вариантларни таққослаш учун мўлжалланган.
TeachCloud платформаси таълим учун маxсус ишлаб чиқилган булут ҳисоблаш тизимларининг симуляторидир. TeachCloud платформаси оддий график интерфейсни таъминлайди, у орқали талабалар булутли ҳисоблаш тизимининг конфигурацияси ва созламаларини ўзгартириши мумкин, бундай тизимларнинг мумкин бўлган конфигурацияси билан тажрибалар ўтказиши мумкин.
iCanCloud платформаси - йирик маълумотлар сақлаш тармоқлари учун дастурий симулятордир. iCanCloud платформаси маълум бир ҳисоблаш муҳитида муайян дастур томонидан ресурслардан фойдаланишни максимал даражада ошириш имконини беради. Платформада тўлиқ маълумотли одатий омбор симуляциясини тўлиқ лойихалаштириш ва амалга ошириш имконини берувчи тўлиқ графикли интерфейс мавжуд.
DCSim (Data Center Simulator) платформаси биринчи навбатда cloud computing асосий муаммо ҳар бир алоҳида ҳолатда тегишли ресурс тақсимотини ва заxиралаш сиёсатини танлайдиган IaaS тизимлари билан ишлайдиган симулятор ҳисобланади.
Хизмат кўрсатиш даражаси (SLA) келишувида провайдер хизматларнинг тақдим этилишида трафик классификацияси, трафикни белгилаш, рухсат этилган уланишни бошқариш, режалаштирилган хизмат кўрсатиш ва тартибни бошқариш, ўта юкланишни бошқариш, юкламани бошқариш каби вазифаларни ўз зиммасига олади.