Кириш. Мавзунинг долзарблиги

11-расм. Ҳудудлар бўйича қишлоқ, ўрмон ва балиқ ҳўжалиги маҳсулот (хизмат)ларининг ўсиш суръати²⁷
Хўжалик тоифалари бўйича таҳлиллар, қишлоқ хўжалиги маҳсулотлари умумий ҳажмининг 73,7 %и – деҳқон (шахсий ёрдамчи) хўжаликларига, 23,8 %и – фермер хўжаликларига, 2,5 %и – қишлоқ хўжалиги фаолиятини амалга оширувчи ташкилотларга тўғри келишини кўрсатмоқда. Қишлоқ хўжалиги маҳсулоти улушининг ҳудудлар бўйича хўжалик тоифалари кесимида тақсимланиши таҳлил қилинганда, энг юқори кўрсаткичлар барча ҳудудларда деҳқон (шахсий ёрдамчи) хўжаликлари ҳиссасига тўғри келиши кузатилди. 2019 йилнинг январь–сентябрь ойлари якунларига кўра жами ишлаб чиқарилган қишлоқ хўжалиги маҳсулотлар таркибида фермер хўжаликларининг улуши бўйича энг юқори кўрсаткич Самарқанд вилоятида (31,7 %), деҳқон (шахсий ёрдамчи) хўжаликларининг энг юқори улуши Навоий вилоятида (82,8 %), қишлоқ хўжалиги фаолиятини амалга оширувчи ташкилотларнинг энг юқори улуши Тошкент вилоятида (9,2 %) қайд этилди. Фермер хўжаликларининг қишлоқ хўжалиги маҳсулотлари таркибидаги улуши бўйича энг паст кўрсаткич Навоий вилоятида (14,2 %), деҳқон (шахсий ёрдамчи) хўжаликларининг энг кам улуши Самарқанд вилоятида (66,1 %), қишлоқ хўжалиги фаолиятини амалга оширувчи ташкилотларнинг энг кам улуши Хоразм вилоятида (0,8 %) қайд этилди.²⁸
Ўзбекистон Республикаси бўйича 2019 йилнинг жорий ҳисобот даврида асосий капиталга инвестицияларнинг юқори кўрсаткич сақланиб қолиб, 46,0 % ўсиши қайд этилди. Асосий капиталга инвестицияларнинг юқори ўсиш суръатларига эришилишига тўғридан-тўғри хорижий инвестиция ва кредитларнинг юқори ўсиш суръатлари асосий сабаб бўлиб ҳисобланиб, жами инвестициялар ҳажмининг – 24,6% ёки ўтган йилнинг мосдаврига нисбатан 3,2 марта ўсиш, шундан тўғридантўғри хорижий инвестициялар – 16,0% (ёки 3,1 марта), ҳамда Ўзбекистон Республикаси Давлат кафолати асосида чет эл кредитларининг – 14,6 % (ёки 166,2%), бюджет маблағлари – 8,5% (ёки 190,0%) юқори ўсишни ташкил этди.

12-расм. Асосий капиталга инвестицияларнинг ўсиш суръатлари²⁹
2019 йилнинг январь-сентябрида жами асосий капиталга инвестицияларнинг катта қисми, яъни 52,5 % и Республиканинг тўртта ҳудудида, жумладан, Тошкент шаҳрида – 23,0 %, Қашқадарё вилоятида – 11,0 %, Навоий вилоятида – 9,8 %, ва Тошкент вилоятида – 8,7 % ўзлаштирилди. Қатор ҳудудларда асосий капиталга инвестицияларнинг юқори ўсиш суръатлари кузатилди, жумладан, Жиззах вилоятида ўтган йилга нисбатан 2,1 марта, (асосий капиталга инвестициялар ҳажми 5784,9 млрд. сўм), Сидарё вилоятида 2,0 марта (4060,2 млрд. сўм), Наманган вилоятида – 179,2 % (9334,8 млрд. сўм), Фарғона вилоятида – 169,1 % (7040,1 млрд. сўм), Тошкент вилоятида – 163,1 % (11697,8 млрд. сўм), Навоий вилоятида – 160,3 % (13155,2 млрд. сўм), Хоразм вилоятида – 159,9 % (3819,4 млрд. сўм) ва Тошкент шахрида – 158,5 % (30834,9 млрд. сўм).³⁰