Кириш. Мавзунинг долзарблиги

3-расм. 2019 йилнинг январь-сентябрь ойларида ЯИМни шакллантиришда ҳудудларнинг иштироки¹³
2019 йил январь-сентябрь ойлари якунлари бўйича, Тошкент шаҳри (108,2 %), Тошкент (107,3), Наманган (107,2 %), Андижон (106,9 %), Хоразм (106,6 %) ва Фарғона (106,1 %) вилоятларида юқори ўсиш суръатлари қайд этилди. Республика даражасига (105,7 %) нисбатан паст ўсиш суръатлари Қашқадарё (102,8 %), Сирдарё (103,8 %) ва Навоий (104,0 %) вилоятларида кузатилди.¹⁴

4-расм. 2019 йилнинг январь-сентябрь ойларида ЯҲМ ва ахоли жон бошига хисобланган ЯҲМ ўсиш суръатлари¹⁵
Ўтган йилнинг декабрь ойига нисбатан 2019 ва 2018 йилларнинг сентябрь ойларидаги умумий истеъмол нархлари индекси қуйидагича тавсифланади: 2019 йилнинг сентябрь ойида озиқ-овқат маҳсулотларининг таъсири 37,9 % (2018 йилнинг сентябридаги 32,1 %га қарши), ноозиқ-овқат маҳсулотлари 31,4 % (39,5 %га қарши), хизматлар 30,7 % ташкил этди (28,4 %га қарши).
Дастлабки маълумотлар бўйича 2019 йил январь-сентябрь ойларида республика корхоналари томонидан 234,7 трлн. сўмлик саноат маҳсулотлари ишлаб чиқарилган бўлиб, саноат ишлаб чиқариш индекси 107,0 % ни ташкил этди. Жами саноат ишлаб чиқариш ҳажми ўсишининг асосий омили бўлиб, ишлаб чиқарадиган (қайта ишлаш) саноатида ишлаб чиқариш ҳажмининг 8,9 % га (жами саноат ишлаб чиқариш ҳажми ўсишига қўшган ҳиссаси 6,5 ф.п.), тоғ-кон саноати ва очиқ конларни ишлашнинг – 1,9 % га (0,3 ф.п.), электр, газ, буғ билан таъминлаш ва ҳавони кондициялашнинг – 1,1 % га (0,1 ф.п.) ва сув билан таъминлаш, канализация тизими, чиқиндиларни утилизация қилишнинг – 6,2 % га (0,1 ф.п.) ўсиши ҳисобланади¹⁶

5-расм. Асосий иқтисодий фаолият турлари бўйича саноат ишлаб чиқариш таркиби,%¹⁷
2019 йилнинг январь-сентябрь ойларида ишлаб чиқарадиган саноат корхоналари томонидан ишлаб чиқарилган маҳсулотлар ҳажми 188,0 трлн. сўмни ёки жами ишлаб чиқарилган саноат маҳсулотлари ҳажмининг 80,1 % ни ташкил этди. Ишлаб чиқарадиган саноат таркибида юқори технологияли тармоғнинг улуши 1,5 % ни (2018 йил январь-сентябрь ойларида – 1,7 %), ўрта-юқори технологиялини – 25,1% (26,8 %), ўрта-қуйи технологиялини – 38,2 % (33,4 %) ва қуйи технологиялини – 35,2 % (38,1 %) ташкил этди.