Кириш магистрлик диссертацияси мавзусининг асосланиши, долзарблиги

Диссертация ишининг илмий-тадқиқот ишлари режалари билан
боғлиқлиги. Диссертация иши Наманган муҳандислик-технология институти илмий-тадқиқот ишлари режаси доирасида
бажарилган.
Тадқиқотнинг асосий масалалари ва фаразлари – маҳсулот
таннархини аниқлашни яхлит ва комплекс ҳолда тадқиқ этиш натижасида
ҳисобга олишга аниқлик киритилади ҳамда харажатларни
оптималлаштиришда юзага келадиган маблағлардан мақсадли ва манзилли
фойдаланиш имконияти туғилади.
Тадқиқот мавзуси бўйича адабиётлар шарҳи. Харажатлар ҳисобини
такомиллаштириш масалалари хорижий ва МДҲ мамлакатларининг
иқтисодчи олимлари А.Ф.Аксененко, И.А.Белов, Н.Д.Врублевский, К.Друри,
В.Б.Ивашкевич, Т.П.Карпова, В.Э.Керимов, И.А.Ламыкин, А.Д.Ларионова,
Р.Мюллендорф, В.Ф.Палий, М.З.Пизенгольц, В.К.Радостовец,
С.С.Сатубалдин, Ч.Т.Хорнгрен, Дж.Фостер, Н.Г.Чумаченко, А.Д.Шереметлар
томонидан чуқур тадқиқ қилинган¹.
Бу борада мамлакатимиз олимлари А.А.Абдуғаниев, А.Х.Раметов,
М.Қ.Пардаев, О.М.Жуманов, А.Х.Пардаев, Н.Ю.Жўраев, А.К.Ибрагимов,
М.М.Тўлахўжаева, Б.А.Хасанов, О.Бобожонов, Э.Ф.Гадоев, Ш.У.Хайдаров,
С.Ю.Юлдашев, О.А.Машарипов, Б.Ю.Мақсудов, Х.А.Ортиқов,
М.Ю.Рахимов, Б.Эшнаевлар томонидан илмий-тадқиқот ишлари олиб
борилган².
Аммо, мазкур муаммонинг тўқимачилик саноати корхоналарига хос
жиҳатларига оид қатор масалалар етарли даражада ўз ечимини топмаган.
Тўқимачилик саноати корхоналарида турли ташкилий-иқтисодий
шакллардаги хўжалик юритувчи субъектлар шаклланиши ва улар
фаолиятидаги турли масалаларни ҳал этишда мустақиллик берилганлиги,
ишлаб чиқариш фаолиятидаги бошқарувда, хусусан ахборот таъминоти
тизимида янгича ёндошувлар талаб этилмоқда.
Ишлаб чиқариш харажатларини ҳисобга олиш ва назорат қилиш,
бошқарувнинг ахборот таъминотини такомиллаштириш тўқимачилик
саноати корхоналарида ишлаб чиқариш самарадорлигини оширишда муҳим
ўрин эгаллайди. Юқорида қайд этилган масалалар диссертация мавзуси ва
мақсадини, объектини белгилашга асос бўлди.