Kirish. Izolyatsiyaning umumiy hossalari. Reja

KIRISH. IZOLYATSIYANING UMUMIY HOSSALARI.

 

REJA:

 

1.1. Fan tarixi, rivoji va istiqboli.

1.2.EIMni va texnologik qurilmalarni sinovdan oʻtkazish sohasidagi

respublikamizdagi ijtimoiy-iqtisodiy islohotlar natijalari, hududiy muammolar,

fan texnika va texnologiya yutuqlari.

1.3.Sinovlarni oʻtkazish uchun kerak boʻlgan jihozlarni tanlash, yuqori

kuchlanish oʻzgaruvchan va oʻzgarmas tok orqali izolyatsiya sinovlariga kerak

boʻlgan apparatura. Himoya va nazorat oʻlchov jihozlari. Izolyatsiyani umumiy

xossalarini aniqlash uchun asboblar va sxemalar.

1.4. Olingan natijalarni baholash usullari.

 

• Fan tarixi, rivoji va istiqboli.

Respublikamizda eletroenergetika va elektr qurilmalarni ishlab chiqarishni rivojlanishi bugungi kunda elektroizolyatsion materiallarni keng koʻlamda qoʻllanilishiga bog’liqdir.

Fan va texnikaning jadal rivojlanishi elektroizolyatsiyaga quyiladigan talablarni oshishiga sabab boʻlmoqda. Bundan kelib chiqib elektroizolyatsion materiallarni va ulardan yasalgan uskunalarni sinovdan oʻtkazishga katta e’tibor qaratilishiga va asosiy maslalardan boʻlgan izolyatsion materialni xususiyatlari, texnik shartlar va standartlar talablariga javob berishini aniqlashga qaratilmog’i kerak.

«Elektroizolyatsion materiallarni va texnologik qurilmalrni sinovdan oʻtkazish» kursining asosiy maqsadi-zamonaviy elektroizolyatsion materiallar turlari, ularning tarkibi va texnologik, termik, mexanik, elektrik va boshqa xususiyatlari bilan yaqindan tanishib, ulardan yasalgan asbob-uskunalarning ishlatish soxalarini bilishdan iborat.

Elektr uskuna, jihoz va qurilmalarni ishga tushirishdan oldin, ekspluatatsiya qilish jarayonida yoki nosozlik (avariya) tufayli oʻchgan xollarda sinov ishlarini oʻtkazishda «Elektr uskunalarni sinash me’yorlari» qoidasi, hamda amaldagi raxbariy hujjatlar va elektr uskuna, jihoz, qurilmalarni ishlab chiqargan zavod yoʻriqnomalariga asoslaniladi. Istisno zavod yoʻriqnomalaridagi koʻrsatma va usullar qoida talablariga zid boʻlmasligi kerak.

«Elektr uskunalarni sinash me’yorlari» qoidasida uzoq yillardan beri elektr uskuna va jihozlarni ishga yaroqliligini aniqlashda olib boriladigan ananaviy (traditsion) sinov usullaridan tashqari avval koʻzda tutilmagan va keyingi yillarda keng tadbiq qilinayotgan amalda foydaliligi tasdiqlangan usullar qoʻlanilmoqda.