Kirish i-bob. Zoologiya didaktik o'yinlarning xususiyatlari va turlari

Mavzuning o`rganilish darajasi. Zoologiya fanini o`qitishda interfaol texnologiyalardan foydalanish to`g`risida juda ko`p ma`lumotlar mavjud. Respublikamiz olimlari K.Turg`unboyev, A.Rizayev, M.X.To`xtaxadjayeva, R.Mavlonova, N.Vohidova, G.Niyozova, O.Xasanboyeva, M.Usmonboyeva, H.Arifboyev, N.S.Saydaxmatov, A.T.G`ofurov, J.O.Tolipova kabi olimlar va tadqiqotchilar, chet el olimlaridan esa V.V.Guzayev, G.M.Chernobelskaya, E.S.Polotin, S.K.Selevko va boshqalar ta`lim jarayonida interfaol usullardan foydalanish va ularning Zoologiya fanida qo`llanilishi yuzasidan taklif va tavsiyalar berishgan. Lekin tabiiy fanlarni o`qitishda xususan Zoologiya fanini o`ziga xosligi unda biologik kuzatuv va tajribalar olib borilishi o`quvchilarni amaliy ko`nikma, malakalarni rivojlantirishda nazariy bilimlarning rolini hisobga olgan holda interfaol va boshqa bir qancha zamonaviy pedagogik texnologiyalardan o`zaro unumli foydalanish masalalari talab darajasida yoritilmagan.
Kurs ishining maqsadi. Mazkur Kurs ishining maqsadi Zoologiya o`qitish jarayonida innovatsion uslublarni ishlab chiqish va joriy etishni nazariy jihatdan asoslash hamda o`quvchilarining Zoologiya fanidan samarali bilim va ko`nikmalar olishlarida interfaol usullarni takomillashtirishga doir ilmiy-metodik tavsiyalar ishlab chiqish.
Kurs ishining vazifalari esa quyidagicha:

1. 
   Tanlangan mavzuga doir ilmiy va ilmiy metodik adabiyotlar, jurnallardagi maqolalar, tajribali o`qituvchilarning bu boradagi ish tajribalarini o`rganish.
   
2. 
   Olingan natijalarni tahlil qilish.
   
3. 
   Tahlil natijalariga ko`ra ishning bugungi holatiga baho berish va interfaol metodlarni takomillashtirishga doir tavsiyalar tayyorlash.
   
4. 
   Tavsiyalarni pedagogik amaliyot davrida o`quv yurtlarida sinab ko`rish va samaradorligini aniqlash.
   
5. 
   Olingan natijalar asosida tegishli tavsiyalar va xulosalar tayyorlash.
   

Kurs ishining ob`ekti. Umumiy o`rta ta`lim maktablari o`quvchilarining Zoologiya fanidan samarali bilim olishlarida innovatsion uslublarni ishlab chiqish va joriy etish jarayoni.