Kirish. I. Bob yaponiya haqida umumiy ma’lumot

KIRISH.
I. BOB YAPONIYA HAQIDA UMUMIY MA’LUMOT
1.1 Yaponiyaning hududi va tabiiy geografik o’rni.
1.2 Yaponiyaning iqtisodiy tuzilmasi va tarkibi.
1.3 Yaponiyaning 1-va 2-jahon urushidan oldingi iqtisodiy ahvoli

II BOB YAPONIYA IQTISODIYOTINING JAHON XO’JALIGIDA TUTGAN O’RNI
2.1 Yaponiyaning XXI asrdagi iqtisodiyoti.
2.2 Yaponiyaning dunyo davlatlari bilan olib boradigan iqtisodiy ijtimoiy va siyosiy aloqalari. O’zbekiston va Yaponiya munosabatlari

XULOSA
FOYDALANILGAN ADABIYOTLAT

Kirish
Mavzuning dolzarbligi. Yaponiya hozirgi kunda dunyodagi eng rivojlangan davlatlardan biri. Iqtisodiy rivojlanganlik darajasi bo‘yicha dunyoda yetakchi o‘rinlarda turadi va shuning uchun ham Yaponiya iqtisodiyoti o‘rganish va uni o‘zimizda zoriy qilish, mamlakatimiz bilan iqtisodiy aloqalarni keng yo‘lga qo‘yish kabi muhim ahamiyat kasb etganligi uchun ham mukammal o‘rganish zaruriyati tug‘iladi.O‘zbеkiston jahondagi yirik, xalqaro maydonda еtakchi o‘rin tutadigan davlatlar – AQSH, Rossiya, Yaponiya, Xitoy, Gеrmaniya, Fransiya va Еvropa Ittifoqining boshqa mamlakatlari bilan hamkorlik munosabatlarini rivojlantirish va mustahkamlashga alohida e‘tibor bеradi»1 - dеgan edi O‘zbеkiston Rеspublikasi Prеzidеnti I.A.Karimov. Globallashuv va mintaqaviy hamkorlikning asosiy harakatlantiruvchi kuchi bo‘lib turli mamlakatlarning xalqaro mеhnat taqsimotida faol va samarali ishtirok etish, iqtisodiy o‘sishini tеzlashtirish va aholi farovonligini oshirish uchun xalqaro savdodan, invеstisiyalar ayirboshlashdan, ishlab chiqarish koopеrasiyasidan, ilmiy-tеxnik hamkorlikdan foydalanishga intilish hisoblanadi.Ushbu kurs ishi Yaponiya iqtisodiyoti va uning jahonda yuygan o‘rni haqida O‘zbekiston manfaatlaridan kelib chiqqan holda yozilgan.
O’rganilganlik darajasi. Zamonaviy bosqichda Yaponiya iqtisodiyoti bo‘yicha juda ko‘p manbalar, materiallar, nazariy fikirlar mavjud.
Avvalambor, O‘zbekiston respublikasi Prezidentining mavzuga oid asarlari, ma‘ruzalari tadqiqotni olib borishda asos qilib olindi. Jumladan, «Yangicha fikrlash va ishlash – davr talabi», «Vatan ravnaqi», «Biz kelajagimizni o‘z qo‘limiz bilan yaratamiz», «O‘zbek xalqi hech qachon hech kimga qaram bo‘lmaydi» kabi asarlarida xalqaro hamkorlikning asosiy tamoyillari haqida batafsil izohlab berilgan.Shuningdek ushbu kurs ishini yozishda asosan o‘zbek olimlarining Yaponiya iqtosodiyoti, uning xalqaro maydondagi ahamiyatimavzulariga oid manbalarini o‘rganib chiqqan holda yozildi.
Tadqiqot ishining obyekti qilib Yaponiya iqtisodiyoti, uningrivojlanishidagi asosiy yo‘nalishlari, predmeti qilib esa Yaponiya iqtisodiyot tarmoqlari, resurslar salohiyati, tashqi iqtisodiy aloqalari, O‘zbekiston bilan munosabatlari hamda ularga shartli ravishda ta‘sir ko‘rsatuvchi omillar olindi.
Kurs ishining maqsad va vazifalari. Tadqiqotning maqsadi Yaponiya iqtisodiyoti, uning jahon xo‘jaligida tutgan o‘rni, yapon modeli, yaponiyaning geografik joylashuvi,aholi, mehnat, mineral xom-ashyo, yoqilg‘i-energetika resurslari hamda baynalminallashib borayotgan davrda Yaponiya iqtisodiyotini o‘rganishdan iborat.Hozirgi kunda 34 ta yapon kompaniyasi dunyodagi eng yirik 200 ta kompaniya rеytingidan joy olgan. Mamlakatda jami 800 mingdan ortiq yirik, o`rta va kichik kompaniyalar mavjuddir. Yaponiyadagi barcha o`rta va kichik korxonalar va mikrofirmalar ham turli uyushmalarga birlashgan. Dеyarli 99 % korxonalar kichik va o`rta biznеs toifasidagi korxonalar qatoriga kiradi.
Sanoatning asosiy tarmoqlari: qora mеtallurgiya, radioelеktronika, tеlеradioapparatura, avtomobilsozlik, tеzyurar poеzdlarni ishlab-chiqarish, nеft ximiyasi, to`qimachilik, avtomtika dastgohlari, aloqa vositalari, biotеxnologiya, mikroelеktronika va boshqa o`nlab sanoat tarmoqlari mavjud. Yaponiya sanoati xorijdan sotib olingan xomashyo hisobiga ishlaydi. Hozirda ko`p xomashyo talab ishlab chiqarishlar xorijga, avvalo rivojlanayotgan mamlakatlarga ko`chirilmoqda.
Kurs ishining tarkibikirish, ikkita bob, xulosa hamda foydalanilgan adabiyotlar ro‘yhatidan iborat.Kurs ishida globallashuv sharoitida Yaponiya iqtisodiyotining rivojlanish xususiyatlari, omillari va istiqbolli yo‘nalishlari o‘rganilgan, O‘zbеkiston Rеspublikasining mamlakat bilan iqtisodiy hamkorligini rivojlantirish xususiyatlari va yo‘nalishlari tahlil etilgan.
Kurs ishining xulosa qismida tahlil natijalari umumlashtirilib, nazariy va amaliy ahamiyatga ega xulosa va takliflar bеrilgan.