Kirish Dissertatsiya mavzusining asoslanishi va uning dolzarbliligi

O‘ZBEKISTON RESPUBLIKASI
OLIY VA O‘RTA MAXSUS TA’LIM VAZIRLIGI
NAMANGAN DAVLAT UNIVERSITETI
“Himoyaga ruxsat etildi”
Magistratura bo‘limi boshlig‘i,
dotsent______________
“_____”_______________2022yil
5A610501-Sport faoliyati (sport turlari bo’yicha) mutaxassisligi magistranti
Rahimova Sabohat Qahramon qizi
« Yosh voleybolchilarda morfologik tekshiruvlarni olib boorish usullari» mavzusidagi
MAGISTRLIK DISSERTATSIYA
ISHI
Sport faoliyati kafedrasi mudiri: _________ p.f.n., dots. N.Azizov
MDI raxbari: _________

Namangan - 2022

Kirish
Dissertatsiya mavzusining asoslanishi va uning dolzarbliligi: Davlatimiz va jamiyatimizning bugungi kuni, ayniqsa, kelajagi uchun g’oyat muxim bo`lgan sog’lom va barkamol avlodni tarbiyalash vazifasini o`z oldimizga qo`yar ekanmiz, avvalambor, biz yashayotgan XXI asr-intellektual boylik, yuksak bilim va salohiyat talab etiladigan, aynan shu qadriyatlar ustuvor axamiyat kasb etadigan asr, degan xayotiy haqiqatdan kelib chiqqan edik.
O‘zbekiston Respublikasi Prezidentining “Jismoniy tarbiya va ommaviy sportni yanada rivojlantirish chora-tadbirlari to‘g‘risida”gi qarori sohadagi yana bir muhim hujjat bo‘ldi. Ushbu qaror bilan O‘zbekiston Respublikasida jismoniy tarbiya va ommaviy sportni yanada rivojlantirish dasturi qabul qilindi. Dasturda 2017-2021 yillarda jismoniy tarbiya va ommaviy sportni yanada rivojlantirish uchun 995,2 milliard so‘mdan ziyod mablag‘ sarflanishi, sport maktablarining moddiy-texnik bazasini mustahkamlash maqsadida 167 ta sport inshooti, jumladan, 90 ta sport majmuasi va 77 ta suzish havzasini qurish, rekonstruksiya qilish, kapital tamirlash, jihozlash va qayta jihozlash nazarda tutilgan<sup>1</sup>.
Mamlakatimizda amalga oshirilayotgan bunday harakatlar o‘sib kelayotgan yosh avlodning, jismoniy va ma’naviy salomatligini shakllantirishini, sog‘lom turmush tarziga intilish va sportga mehr-muhabbatni singdirishning g‘oyat muhim sharti sifatida sportchi yoshlar ommaviy sportini rivojlantirishni ta`minlash maqsadini ko`zlaydi.
Binobarin, soha olimlari va mutaxassislariga ushbu imkoniyatlardan samarali foydalanish, mazkur yo‘nalish bo‘yicha raqobatbardosh kadrlar tayyorlashga ixtisoslashtirilgan o‘quv adabiyotlari, ilg‘or ilmiy-pedagogik texnologiyalar ishlab chiqishlari, ta’lim standartlari va o‘quv dasturlarini zamon talablariga mos ravishda takomillashtirish mas’uliyati yuklanadi. Ma’lumki, jismoniy tarbiya va sport millat genofondini shakllantirish va sog‘lom-barkamol avlodni tarbiyalash vositasi sifatida yildan yilga turli yosh guruhlariga mansub aholining kundalik ehtiyojiga aylanib bormoqda.
Bugungi kunda Muhtaram Prezidentimiz SH. Mirziyoyev tashabbusi bilan Respublikamizning barcha hududlarida, hatto uzoq-uzoq qishloq manzillarida ham jismoniy mashqlar yoki sport turlari bilan shug‘ullanishga barcha imkoniyatlar va shart-sharoitlar yaratilgan. Ta’kidlash joizki, yurtimiz bo‘ylab ommaviy sog‘lomlashtirish ishlarini jadallashtirishda sportning voleybol turi beqiyos ahamiyat kasb etadi. Shunday ekan, yoshlarni sportga jalb qilish, turli xil sport to’garaklari bilan o’quvchi yoshlarni qamrab olish bizning ustuvor vazifalarimizdan bo’lib hisoblanadi.