Кириш диссертация мавзусининг долзарблиги ва зарурияти

Тадқиқот натижаларининг жорий қилиниши. Лессимон жинслар ва шиша чиқиндиси кукуни асосида намлик ва шўрланиш таъсирига чидамли керамик йўлак тоши ишлаб чиқариш бўйича олинган илмий натижалар асосида:
Керамик ғишт олиш усули ва таркибига Ўзбекистон Республикаси Интелектуал мулк агентлигининг ихтирога патент олинган (IAP 06302018). Натижада ишлаб чиқилган таркиб асосида маҳсулот олиш имкони яратилган:
лессимон жинс ва шиша чиқиндиси кукуни асосида олинган керамик масса таркиби «Дилшодғиштқурилиш» МЧЖ ва «Жайхун» х/ф сида жорий қилинди.(«Дилшодғиштқурилиш» МЧЖ нинг 2017 йил 14 июн, 2018 йил 14 августдаги далолатномалари ва «Жайхун» х/ф нинг 2020 йил 11 сентябрдаги далолатномалари);
саноат миқёсида олинган намуналар «Yuggazbutlash» АЖ га қарашли «Janubgazbutlash va qurilish qurilmalari» унитар корхонаси лабораториясида синовдан ўтказилиб давлат андозалари талабларига жавоб бериши қайд қилинган.(«Janubgazbutlash va qurilish qurilmalari» унитар корхонаси лабораторияси далолатномаси).
Тадқиқот натижаларининг апробацияси. Мазкур тадқиқот натижалари 3 та халқаро ва 5 та республика илмий-амалий анжуманларда муҳокамадан ўтказилган.
Тадқиқот натижаларининг эълон қилиниши. Диссертация мавзуси бўйича жами 19 та илмий иш чоп этилган. Жумладан 7 та илмий мақола, шулардан Ўзбекистон Республикаси Олий Аттестация комиссияси томонидан чоп этиш тавсия этилган журналларда 4 таси республика ва 3 таси ҳорижий журналларда, 1 таси Scopus таркибига киритилган журналда нашр этилган ҳамда 1 та ЎзР патенти олинган.
Диссертациянинг тузилиши ва ҳажми. Диссертация таркиби кириш, тўртта боб, хулоса, фойдаланилган адабиётлар рўйхати ва иловалардан иборат. Диссертация ҳажми 129 бетни ташкил этган.