Kirish. 1 Maruza Boyitish jarayonlarida texnika xavfsizligi qoidalari. Reja: Boyitish jarayonida umumiy xavfsizlik talablari

35 Mavzu Bo‘tanani o‘q bo‘ylab beruvchi nasoslar

Bu nasoslar bo‘tanani yonboshdan beruvchi nasoslardan faqat oqib o‘tuvchi qismining tuzilishi va salnikli moslamani joylashtirish o‘rni bilan farq qiladi. 2.8-rasm, a da kichik ishlab chiqarish unumdorligiga va bosimga ega, bo‘tanani konus (4) dagi yonbosh tuynuk (7) orqali beruvchi nasos keltirilgan. Olib qo‘yiladigan (yasama) patrubka (8) nasosni so‘ruvchi trubadan uzish uchun mo‘ljallangan. Ishchi g‘ildirak (6) ochiq turda (disklarsiz). Bunday g‘ildiraklar past gidravlik ko‘rsatkichlar va beqarorligi bilan xarakterlanadi. Nasosda sodir bo‘luvchi o‘rama bo‘tananing oqib ketishi g‘ildirak konus va disk (5) ning ishdan chiqishini kuchaytiradi, nasosning foydali ish 22 koeffitsiyentini kamaytiradi. Shu bilan bir qatorda konstruksiyasi g‘ildirakni nisbatan oson qo‘yishga imkon beradi. Ochiq g‘ildiraklar asosan mahsulot kam miqdorda beriladigan va bo‘tananing bosimi yuqori bo‘lmagan hollarda qo‘llaniladi. Nasosning oqib o‘tuvchi qismi yumshoq yuviluvchi salnik (1) va zichlovchi rezina halqa (3) bilan himoyalangan. Suv gidrozulfinga quvur (2) orqali tushadi. G‘ildirak gupchagiga ishchi zonaga bo‘tana oqimining bir tekis kirishini ta’minlash uchun konus shakli berilgan. Gupchakka g‘ildirakni val (9) ga mahkamlovchi rezbali cho‘yan vtulka quyilgan. Bo‘tanani o‘q bo‘ylab beruvchi markazdan qochirma nasoslarga tuproqli nasoslar – zemlesoslar kiradi. Ular og‘ir ish sharoitiga, ya’ni yirik qattiq zarrali abraziv bo‘tanalarni haydashga mo‘ljallangan. Yirik tuproqli nasoslar boyitish chiqindilarini gidrotransport uchun, kichik va o‘rta o‘lchamdagi nasoslar alohida texnologik operatsiyalardagi bo‘tanani bir joydan ikkinchi joyga tashishda (masalan, gidrosiklonlarga berishda) qo‘llaniladi.