Kirish. 1 Maruza Boyitish jarayonlarida texnika xavfsizligi qoidalari. Reja: Boyitish jarayonida umumiy xavfsizlik talablari

6 Maruza Naporsiz qiya oqim chuqurligi bo‘yicha zarrachalarni taqsimlanishi

Reja:

1. 
   Naporsiz qiya oqim chuqurligi bo‘yicha zarrachalarni taqsimlanishi asoslari
   
2. 
   Sakrab harakatlanuvchi qatlam
   

Naporsiz qiya oqim chuqurligi bo‘yicha zarrachalarni taqsimlanishi asoslari

Cho‘kmasdan oqimda xarakatlanayotgan zarrachalar, oqim balandligi bo‘yicha diffuzion nazariya asosida taqsimlanadi. Oqimda muallaq xarakatlanayotgan zarrachalar diffuzion nazariya bo‘yicha taqsimlanishi turbulent diffuziya tamoyillarga asoslanadi, ya’ni oqim olib ketayotgan qattiq faza xajmining o‘rtacha miqdori, uning oqimdagi o‘rtachalashtirilgan tarkibi gradientiga mutanosib bo‘ladi.

Zarrachalar konsentratsiyasi kam bo‘lgan oqimda ularning konsentratsiyasi oqim yuzasidan tubiga qarab bir tekisda ekspotensial bog‘liqlik bilan oshib boradi. Zarrachalarning oqim balandligi bo‘yicha granulometrik taqsimlanishi esa ularning gidravlik o‘lchamlari bo‘yicha joylashadi.

Zarrachalar konsentratsiyasi yuqori (10-15%) bo‘lgan oqim uchun esa, oqim tubida xarakatchan qatlam hosil bo‘lishi xarakterlidir. Tubdagi Qatlam bilan asosiy oqim oralig‘ida o‘tish qatlami yoki sakrovchi qatlam mavjud. Tubdagi zarrachalarning birlashgan qatlami, umumiy zarrachalarni 40% gacha bo‘ladi. Bu katlamdan yirik zarrachalarni yorib o‘tishi qiyin. Ikkinchi tomondan quyun xosil bo‘lganda tub qatlamni alohida zarrachlarini emas, ularni agregatlarini muallaq xolatga o‘tkazadi.

Sakrab xarakatlanuvchi qatlam bo‘shoqligi yuqori va tezligi katta (asosiy oqim tezligidan kichik). Sakrab xarakatlanuvchi qatlam, dastgoh tubida qo‘shimcha g‘adir-budirlikni xosil qiladi va zarrachalarni o‘lchamlari bo‘yicha qatlam xosil bo‘lishini o‘zgartirib yuboradi. Tub qatlamda mayda og‘ir zarrachalar to‘planishiga sabab bo‘ladi.

34- rasm Zarrachalar miqdori har xil bo‘lgan oqimlarni o‘rtalashtirilgan tezliklarini vertikal taqsimlashtirilishi. 1-qattiq zarracha yo‘q; 2- muallaq suzib yuruvchi zarrachalar; 3- xarakatlanuvchi cho‘kma qatlami; 4- xarakatsiz cho‘kma qatlami