Кино ва телевидениеда монтаж

 
Parallel montaj.  
Parallel  so‘zi  fransuzcha  parallèle  –  parallel,  yondosh 
so‘zidan  olingan.  Bir  vaqtning  o‘zida  turli  joylarda  sodir 
bo‘lgan  ikki  yoki  undan  ortiq  voqealar  tasvirlarini  parallel 
ravishda,  albatta  o‘zaro  bir  voqea  atrofida  bog‘langan  holda 
namoyish  etish  usuli  –  ekran  san’atidagi  parallel  montaj  deb 
aytiladi. 
Keling,  A.S.Pushkinning  nafis  asarlaridan  bir  bo‘lgan 
“Shox Saltan haqida ertak”ni esga olamiz. Knyaz Gvidon Buyan 
orolida,  Shox  Saltan  esa  oroldan  uzoqda,  o‘z  davlatida  
istiqomat  qiladi.  Dengizchilar    hali  orolga,  hali  Saltan  yurtiga 
suzib  Shox  Saltanga  Gvidon  yashayotgan  orol  va  undagi 
mo‘jizalar  haqida  so‘zlab  berishadi.  A.S.Pushkin  kitobxonlarga 
avvaliga  Shox  Saltan  haqida,  keyin  uning  o‘g‘li  Knyaz  Gvidon 
haqida  va  yana  Saltan  yurti  haqida  navbatma-navbat  hikoya 
qilib beraveradi.  
Ertakda bir vaqtning o‘zida ikkita asosiy qahramonlarning 
hayoti  ochib  berilgan  va  bu  esa  epizodlarning  parallel 
montajidir.  Ertak  syujeti  avvaliga  ikkita  syujet    chizig‘iga 
bo‘linadi. Ertak oxirida Shox Saltan Buyan oroliga Gvidonning 
oldiga  tashrif  buyurgan  paytdan  boshlab  syujet  rivojlanish 
chiziqlari yana o‘zaro birlashadi. 
Shu  ertakning  o‘zida  ham  bir  epizod  ichidagi  “parallel 
montaj”ga  misolni  kuzatishimiz  mumkin.  Montaj  usuli  bir  xil 
bo‘lsada lekin uning ko‘lami juda kichik. 
Tushar hamma qirg‘oqqa, 
Shox chorlaydi qo‘noqqa. 

---

159
 
 
Chivin ham uchib ketdi, 
U ham saroyga yetdi. 
Ko‘rdiki, hamma yoq zardor, 
Shox Saltan o‘tirar bunda, 
Toju taxti xashamdor, 
Lek, yuzida qayg‘u bor; 
To‘quvchi va oshpaz qiz, 
Babarixa – yalmog‘iz, 
Shox oldida o‘tirar 
Va ko‘ziga qarashar. 
 
Bir  sahnaning  o‘zida  uchta  voqea  teng  rivojlanadi:  Shox 
Saltan  mehmonlarni  kutib  olishi  voqealari;  chivinga  aylangan 
Gvidon  va  u  kuzatayotgan  voqealar;  va  nihoyat  to‘quvchi, 
oshpaz  qiz,  va  Babariha  yalmog‘iz  bilan  sodir  bo‘lgan 
voqealar”.  Avvaliga  chivin  Gvidon  va  ertakning  qolgan 
qahramonlarining  harakatlari  parallel  holda  yuz  beradi,  ammo 
sahna  so‘ngida,  chivin  o‘z  xolasining  o‘ng  ko‘zini  chaqib 
olganidan    keyin,  uni  quvish  voqeasida,  syujetning  hamma 
rivojlanish  chiziqlari  o‘zaro  uyg‘unlashadi.  Chizmaga  e’tibor 
berib qarasak, bu yerda ham qo‘llanilgan usul o‘sha-o‘sha. 
Parallel  montajga  yana  bir  yorqin  misolni  Amerikalik 
buyuk 
kinorejissyor 
Devid 
Uork 
Griffitning 
mashhur 
“Betoqatlik” (1916) filmida ko‘rishimiz mumkin. 
Amerikalik  buyuk  kinorejissyor  o‘zining  o‘z  davrining 
buyuk  filmida  bir  vaqtning  o‘zida  insoniyat  tarixining  to‘rtta 
davrini  ko‘rsatib  bergan:  “Iso  Masih  muhabbati”,  “Varfolomey 
tuni”,  “Bobilning  tanazzuli”  va  “Ona  va  qonun”.  Filmdagi 
so‘nggi novella – film yaratilgan davrga bag‘ishlangan. 
“Betoqatlik”  filmi  shunday  montaj  qilinganki,  uning 
barcha  syujet  rivojlanish  liniyalari  faqat  film  oxirida  o‘z 
yechimini  topadi.  Kinoasar  birinchi  novella  –  “Iso  Masih 
muhabbati”  novellasining  kattagina  boshlang‘ich  epizodi  bilan 
boshlanadi.  Keyin  esa  ikkinchi  novella  “Varfolomey  tuni”dan 

---

160
 
 
huddi  shunaqa  katta  qism  montaj  qilingan.  So‘ng  “Bobilning 
tanazzuli”  novellasidan  boshlang‘ich  parcha  va  nihoyat 
to‘rtinchi novella bo‘lgan “Ona va qonun”ning boshlanish qismi 
namoyish etiladi.  
Har  to‘rttala  novellalarning  boshlanish  qismlari  namoyish 
etlganidan 
so‘ng  rejissyor  tomoshabinni  yana  birinchi 
novellaning  davomini  ko‘rishga  taklif  etadi,  keyin  ikkinchi 
novellaning  davomini  keyin  uchinchi,  to‘rtinchi  novellaning 
davomi  va  hammasi  yana  boshidan  boshlanadi,  huddi 
teleseriallardagi kabi.  
Lekin  bu  filmdagi  eng  ta’sirli  sahna  so‘nggi  novelladagi 
yakunlovchi  voqea  bo‘lgan.  Bunda  Griffit  montajdan  filmning 
syujetiga  dramatizm  olib  kirish,  uni  o‘tkirlashtirish  maqsadida 
foydalangan. 
Novella  syujeti  bo‘yicha  sud  begunoh  odamni  qotillik 
uchun o‘lim jazosiga hukm qiladi. Sud hukmi e’lon qilinganidan 
so‘ng  haqiqiy  qotil  maxkumning  oilasiga  kelib  jinoyatiga  iqror 
bo‘ladi.  Mahkumni  esa  faqat  shtat  gubernatori  afv  etishi 
mumkin. 
Haqiqiy 
jinoyatchi 
va 
mahkumning 
xotini 
gubernatorni  topish  va  undan  avfnomani  olish  uchun  uni  izlab 
ketadilar. Lekin shtat gubernatori o‘z kabinetida emas edi. Ayol 
va qotil bir tezkor poyga avtomobiliga o‘tirib gubernator ketgan 
poezdga  yetib  olish  uchun  harakat  qilishardi.  Ayni  paftda  sud 
o‘lim jazosini ijro etish uchun tayyorgarlik ko‘rayotgan edi. 

  Avtomashina yeldek uchmoqda. 

  Gubernator o‘tirgan poezd ham yelib bormoqda. 

  Sud  ijrochilari  jazoni  amalga  oshirish  vositalarini 
tayyorlashmoqda. 

  Avtomashina yeldek uchmoqda. 

  Gubernatorning vagoni. 

  Sud ijrochilari dor sirtmog‘ini mustahkamligini yana bir 
bor tekshirib ko‘rishmoqda. 

---

161
 
 
Griffit  yirik planlarini navbatma-navbat ko‘rsatib  chiqadi: 
poyga  avtomobili  g‘ildiragi,  jallodning  qo‘li  dor  sirtmog‘ini 
tutadi, mahkumning g‘amnok nigohi, va boshq. 

  Avtomashina poezdni quvib yetdi. 

  Gubernator avfnomani imzoladi. 
Lekin, hali qatl ijro etilmasidan avval qamoqxonaga  yetib 
borish  va  avfnomani  ko‘rsatishga  ulgurish  kerak.  Yana  parallel 
montaj. 

  Avtomashina yelib bormoqda. 

  Maxkumni qatl maydoniga olib kelishmoqda. 

  Qotil va ayol mashinaning bor tezligida uchib 
borishmoqda. 

  Sudning qarori so‘nggi bor rasman o‘qib eshittirilmoqda. 

  Sirtmoq maxkumning bo‘yniga solingan onda...  

  Ular avfnomani olib kelib ulgurishdi. 
Chizma  bo‘yicha  hammasi  huddi  “Shox  Saltan  haqida 
ertak”dagidek:  syujetning  rivojlanishi,  uning  turli  yondosh 
liniyalarga  bo‘linishi  va  nihoyat  voqea  so‘ngida  syujet 
liniyalarining  yana  o‘zaro  uyg‘unlashuvi  –  begunoh  inson 
oqlandi.  
“Betoqatlik”  filmi  parallel  montajning  klassik  misolidir. 
Griffitning kashfiyoti kino tarixiga kirdi. Bundan ayon bo‘ldiki, 
kinofilmda  ham  huddi  adabiy  asardagi  kabi  syujet  rivojini 
tashkil etish mumkin. 
Yana  bir  klassik  misol.  M.Kalatozov  o‘zining  “Turnalar 
uchmoqda”  filmida  parallel  montajdan  qoyilmaqom  tarzda 
foydalangan (1957 y.).  
Film  qahramoni  Veronika  sevgilisi  Borisni  urushga 
kuzatish  marosimiga  yetib  kelishga  ulgurmadi.  U  uyga  chopib 
kirdi, lekin uyda hech kim yo‘q edi. 
U urushga safarbar etilgan askarlarni yig‘ish punkti tomon 
chopdi.  Ko‘chalarni  olomon  to‘ldirib  yuborgan.  Erlari  va 

---

162
 
 
o‘g‘illarini  urushga  kuzatayotgan  ayollar  ularni  quchoqlab 
olgancha yig‘lamoqdalar. 
Boris  Veronikani  aqalli  bir  marta  ko‘rish  umidida  har 
tomonga alanglab uni izlayapti. 
Veronika  odamlar  oqimi  oralab  Borisni  qidirmoqda,  lekin 
natija yo‘q. 
Erkaklar saflarga tizilmoqdalar. 
Veronika odamlar orasida yo‘l topish uchun tiqiladi. 
Boris yon-atrofga alanglaydi. 
Veronika  saf  tortib  ketayotgan  askarlar  orqasidan  temir 
panjaralar yoqalab chopib bormoqda. 
Boris safda ketib bormoqda. Atrofdan Veronikani  izlaydi. 
Biz ular bir-birlariga juda yaqinda turganliklarini tushunib 
turibmiz. Lekin ular ko‘rishisharmikan? 
Saf  borgan  sari  uzoqlashmoqda  va  bizning  qahramonimiz 
ham shu safda ketib bormoqda. 
Nihoyat  Veronika  Borisni  ko‘rdi.  Lekin  xaloyiq  uni 
askarlar tomon borishiga imkon bermaydi. 
Boris atrofga qaraydi, lekin Veronikani ko‘rmaydi. 
Veronika  uning  ortidan  qichqiradi.  Lekin  olomonning 
shovqini  va  musiqa  uning  chinqirig‘ini  yutib  yuboradi.  Boris 
eshitmaydi. 
U  alam  bilan  qo‘lidagi  pechenelar  solingan  paketni  Boris 
tomon otadi. Lekin u asfalga tushib sochilib ketadi. 
Boris  so‘nggi  bor  mahbubasini  nigohlari  bilan  izlaydi, 
biroq  bu  safar  ham  uni  topa  olmaydi.  U  shu  tariqa,  seviklisi 
bilan hech bo‘lmaganda nigohlari bilan hayrlasha olmay frontga 
ketadi. 
Veronika yig‘laydi... 
Bu o‘lmas kinoasardagi eng yaxshi sahnalardan biri. 
Parallel  montaj  uslubidan  televidenieda,  hatto  to‘g‘ridan-
to‘g‘ri  jonli  efirda  ham  foydalanish  mumkin.  Misol  uchun,  bir 

---

163
 
 
vaqtning  o‘zida  ikkita  qiziqarli  futbol  uchrashuvi  bo‘lib 
o‘tmoqda.  Kameralar  har  ikkala  stadionlarga  o‘rnatiladi. 
Sharhlovchilar  navbatma-navbat  bir  u  bir  bu  sport  arenasidan 
“Sizlarda  nima  gap?”,  “Bizda  mana  bunday  vaziyat...”  deya 
reportaj  olib  borishmoqda.  Rejissyor  esa  sharhlar  mazmuniga 
muvofiq 
holda 
tasvirni 
efirga 
uzatadi. 
Ko‘rsatuvning 
dramaturgiyasi  “Qaysi  jamoa  qaysi  raqib  bilan  finalda  bahs 
yuritadi degan savolga javob topishdan iborat.