Kimyo-texnologiya

Zararkunanda va kasalliklarga qarshi kurash. O‘rta Osiyoda pomidor o‘simligining virusli kasalliklari, ayniqsa ko‘p tarqalgan; stolbur gul va barglarning shaklini o‘zgartirib meva to‘qimalarining ayrim joylarini qotirib qo‘yadi; strik-bu kasallikka chalingan o‘simlik barglaridan avval shtrixlar (uzuq-uzuq yo‘llar) paydo bo‘lib keyin, ayrim hollarda esa mevalar chiriydi. Mozaika o‘simlik barglari rangining mozaika tusiga kirishi va ularning shaklini o‘zgarishi bu kasallikning asosiy belgilari hisoblanadi. Virusli kasalliklarga qarshi ko‘rash choralari; urug‘ni faqat sog‘lom o‘simliklardan olish; urug‘larni 10% li kaliy permanganat eritmasida dezinfeksiya qilish yoki ekish oldidan termik ishlash. Karontin ob’ekt hisoblangan, bakterial rakka (BRT) qarshi urug‘larni TMTD preparati bilan (1 kg urug‘ga 6-8 g hisobidan) dorilash va kasallangan o‘simliklarni yulib olib daladan tashqariga chiqarib tashlash zarur.