Kimyo-texnologiya

Kelib chiqishi va tarqalishi. Pomidor aslida Janubiy Amerikadan kelib chiqqan. Evropaga XVI asrning o‘rtalarida keltirilgan bo‘lsada, uzoq vaqtga qadar uni manzarali yoki dorivor o‘simlik sifatida o‘stirib kelingan. XVIII asrning oxirlarida pomidor oziq-ovqat ekini sifatida o‘stirila boshlandi. O‘tgan asrning oxirlaridan e’tiboran pomidor o‘simligi Markaziy Osiyoda ham ekila boshlandi.

Klassifikasiyasi va navlari. D.Brejnevninng klassifikasiyasi bo‘yicha (1964), turkumiga kiruvchi pomidorlar uch turga bo‘linadi.

• 
  Peruian pomidor - ko‘p yillik, mayda mevali, yotib o‘suvchi yovvoyi o‘simlik.
  
• 
  Tukli pomidor - poyasi sertuk, mevasi mayda va taxir, bir yillik yoki ko‘p yillik yovvoyi o‘simlik.
  
• 
  Oddiy pomidor - bu tur ham o‘z navbatida uchta kenja turga bo‘linadi:
  

1. 
   «Yovvoyi pomidor» - bunga sershox, yotib usadigan, mayda mevali va mevasining tarkibida ko‘p miqdor quruq modda (8-10) hamda shakar saqlaydigan smorodinasimon pomidor kiradi.
   
2. 
   «Yarim madaniylashgan pomidor» - poyasi yotib yoki tik usadi, mevasi mayda (20-30 g.). Yarim madaniy pomidor mevalarining yirikligi va shakliga karab bir-biridan farq qiladigan olchasimon, noqsimon, olxurisimon, uzunchoq va ko‘p uyali xillarga bo‘linadi.
   
3. 
   Madaniy pomidor navlari nixoyatda xilma-xil shaklda bo‘lishi bilan harakterlidir.