Kimyo-texnologiya

Issiqxonaning asosiy tuzilishi va turi haqidagi ma’lumot

Asosiy ko‘rsatkichlar

Issiqxona turlari

1. Yil davomida foydalanish muddati. 2. Vazifasi. 3. Isitish usuli. 4. Konstruktiv xususiyatlari qoplama shakli sirtqi qoplama bo‘g‘inlar soni o‘simliklarni o‘stirish usuli 5.Quyidagi materi­allaridan tayyorlangan materiallar: fundament yon devorlar sinch to‘sin (shpros) 6. O‘lchamlar: is­siqxonaning umumiy uzunligi va eni qurilish may­doni, m^2 inventar maydoni, m^2 foydali may­don, m^2 maydondan foydalanish koeffisiyenti, % sek­siya oralig‘ining kengligi, m sarrov baland­ligi, m tarnov (karniz) ostidagi balandlik, m to‘sinlar o‘rtasidagi oraliq, sm 7. Ichki uskunalar (sistemalar) issiqlik manbalari shamollatish suv ta’minoti karbonat angidrid bilan boyitish o‘g‘it va zaharli ximikatlarni berish mik­roiqlimni boshqarish. 8. To‘siq koeffisiyenti

Issiqxona elementlarining qanday materiallardan tayyorlanganligi ko‘z bilan ko‘riladi. Issiqxonaning qurilish, inventar va foydali may­doni o‘lchashlar natijasi bo‘yicha hisoblab chiqiladi. Qurilish maydoni - bu tashqi uzunlikni kenglikka ko‘paytmasi, inventarniki ichki uzunlikni kenglikka ko‘paytmasi, foydali maydon - ekish va ko‘chat uchun foydalanila­digan maydon (doimiy asfalt yo‘llarsiz). Maydondan foydalanish koef­fisiyenti foy­dali maydonni inventar maydonga bo‘lish va olingan sonni 10 ga ko‘paytirib aniqlanadi.

Ichki uskunalarni bayon qilishda issiqlik manbalari va ularning joy­la­shishi (issiq suvli quvurlar, tuproqosti va suv tuproqustini isi­tish, is­siqlik generatorlari, kaloriferlar va sug‘orish usullari yomg‘irlatib yoki re­zina ichak bilan va shu kabilar), karbonat angidrid bilan boyitish usuli, is­siqxonaga qorishmalarni zaharli ximikatlar, o‘g‘itlarni berish usuli (ma­gist­ral truboprovod, yomg‘irlatib sug‘orish orqali, umuman yo‘q), mik­roiqlimni boshqarish (avtomatlashtirilgan yoki yo‘q) ko‘rsatib o‘tiladi.

Issiqxona solishtirma hajmi to‘siq koeffisiyenti hisoblashlar vosi­ta­sida aniqlanadi. Solishtirma hajmi - bu hajmning inventar may­donga nis­bati, to‘siq koeffisiyenti esa devor va tom sathi yig‘indisining inven­tar maydonga nisbatidir. Ikki nishabli bir bo‘g‘inli issiqxonalar devor­larining sathi to‘rt devor va ikki yon uchburchaklar sathi yig‘indisiga, tom sathi esa ik­kala nishab sathining yig‘indisiga tengdir. Blokli is­siqxonada devorlar sathi to‘rt devor va barcha seksiyalar yon uchburchaklari sathining yig‘indisiga, tom sathi esa bo‘g‘inlarni barcha nishablari sathining yig‘indisiga tengdir.