Kimyo kafedrasi

Qiziqarli kimyo va olimpiada masalalarini yechish
Kokanbayev Ikramjon Ibroximovich
Kimyo kafedrasi katta o‘qituvchi, texnika fanlari nomzodi
[e-mail]
[e-mail]
([phone]
QO‘QON DAVLAT PEDAGOGIKA INSTITUTI
KIMYO KAFEDRASI

Ma’ruza matni: Qiziqarli tajribalar.

Reja.

1. Mo‘jizasiz mo‘jizalar. Kimyoviy oranjereya.

2. Tutun, uchqun va olov.

3. Ranglar jilosi.

4. Eritmalar va cho‘kmalar

Mo‘jizasiz mo‘jizalar:

Maktabda o‘qitiladigan o‘quv predmetlari orasida kimyo fani eng qiziqarli va maftunkor sanaladi.

Tevarak-atrofdagi xilma-xil moddalar, ularning tarkib va xossalari, atom va molekulalarni yaqindan

o‘rganish, ularning belgilaridan tortib turfa o‘zgarishlarigacha tahlil qilish, inson izmiga bo‘ysunuvchi jarayonlarni sodir etish, ulardan amaliy ehtiyojlar yo‘lida samarali foydalanish, kimyoviy o‘zgarishlarning sodir bo‘lish qonuniyatlarini bilib olish, dunyoning moddiy nuqtai nazardan anglash, olamning umr boqiyligiga ishonch hosil qilish kabi masalalar kimyoning qamroviga kiradi. Dars jarayoni va amaldagi o‘quv dasturi bilan chegaralanish faqat ma’lum qolipdagi bilimlar majmuasi bilan xarakterlanadi.

Mo‘jizasiz mo‘jizalar:

Shu nuqtai nazardan olganda, dars va qo‘shimcha mashg‘ulotlar, darsdan so‘ng tashkil etiluvchi yordamchi mashg‘ulotlar, darsdan va sinfdan hamda maktabdan tashqari ishlar kimyoni, uning ajoyibotlari va sirli olamini yanada chuqurroq o‘zlashtirish, o‘quvchilarning qiziqishini va havaslarini to‘laroq qondirish uchun g‘oyat keng imkoniyatlarga egadir. Bu borada qiziqarli tajribalar, kimyoviy kechalar, turli o‘yinlar, topishmoqlar va boshqa tadbirlar juda qo‘l keladi. Ularni tayyorlash va o‘tkazish jarayonida o‘quvchilarning bilim doirasini kengaytirish, dunyoqarashini mukamallashtirish va kimyo faniga bo‘lgan muhabbatini orttirish, umuman, sirli olamning g‘aroyib sinoatidan ko‘proq xabardor bo‘lishini ta’minlashga yangi imkoniyatlar yaratiladi.