Кimyo kafedrasi n. Turabov, B. A. Tuliyev Kimyo ta’lim yo’nalishi uchun analitik kimyo fanidan laboratoriya mashg’ulotlarini bajarish uchun

3-LABORATORIYA
OKSIDLANISH-QAYTARILISH METODLARI
PERMANGANATOMETRIYA
Metodning mohiyati. Permanganatometriya metodi permanganat ioni bilan qaytaruvchilarni oksidlash reaksiyalariga asoslangan. Oksidlashni kislotali muhitda ham, ishqoriy (yoki neytral) muhitda ham olib borish mumkin.
A) Agar oksidlash kislotali muhitda olib borilsa, KMnO₄ tarkibidagi etti valentli mangan ikki valentlikka qaytariladi:
MnO₄^-+8H⁺+5e=Mn²⁺+4H₂O
Demak, KMnO₄ning bu reaksiyadagi gramm-ekvivalenti
=M:5=158,04:5=31,61 g ga teng.
B) agar oksidlanish ishqoriy (yoki neytral) muhitda olib borilsa etti valentli mangan to‘rt valentlikka qaytariladi:
MnO₄^-+3H₂O+3e=MnO(ON)₂+4ON^-
Lekin MnO₄^-/ Mn²⁺ juftining standart oksidlanish potensiali (1,51v) MnO₄^-/ MnO₂ juftining standart oksidlanish poteniali (0,59v) ga qaraganda ancha kattadir, yani KMnO₄ning kislotali muhitdagi oksidlash aktivligi ishqoriy muhitdagi aktivligiga qaraganda juda kattadir. Shuning uchun ham hajmiy analizda oksidlash kislotali muhitda olib boriladi.
TAYYORGARLIK ISHLARI: KALIY PERMANGANATNING 0,05 n
ERITMASINI UNING QUYUQROQ ERITMASIDAN TAYYORLASH
Kaliy permanganatning 500 ml 0,05 n eritmasini tayyorlash uchun uning n%-li eritmasidan zarur bo‘lgan hajmini hisoblash. Oksidlanish-qaytarilish reaksiyalari kislotali muhitda olib borilganda, KMnO₄ ning ekvivalent massasi mol massasining 1/5 qismi (158,04:5=31,61 g) ga to‘g‘ri keladi. 1,0 l 0,05 n KMnO₄ eritmasini tayyorlash uchun 3,16162=1,58 g, 500 ml tayyorlash uchun esa 1,58:2=0,74 g quruq tuz kerak bo‘ladi. KMnO₄ning n%-li eritmasidan zarur bo‘lgan hajm quyidagi proporsiyadan topiladi:
n:100 = 0,79:V_x =…..ml.
KMnO₄ tuzini birlamchi standart sifatida ishlatib bo‘lmaydi. Shuning uchun uning n%-li eritmasi Shu ishni boshlashdan kamida 7-10 kun avval tayyorlab qo‘yiladi va shisha tigel yordamida MnO₂ dan ajratib olinadi.
0,05 n li 500 ml eritmasini tayyorlash usuli. KMnO₄ ning 0,05 n li standart eritmasini saqlash kolbasiga V_x ml n%-li eritmasidan menzurka yordamida olinadi va uning ustiga (500- V_x) ml distillagan suv solinadi. Hosil bo‘lgan eritmani 2-3 minut qaynatiladi (distillangan suv tarkibidagi organik moddalar oksidlanishi uchun). Tayyorlangan eritmani qaynatish o‘rniga 2-3 kun qo‘yib qo‘llash mumkin.