Kimyo fani bo‘yicha o‘zbekiston respublikasi uzluksiz ta’lim milliy o‘quv dasturlari ta’lim sifatini nazorat qilish davlat inspeksiyasi

O‘rta maxsus ta’lim tizimi
Uzluksiz ta’lim tizimida 11 yillik ta’limning joriy qilinishi 2 yillik akademik litseylarda
hamda maktablarda kimyo fani o‘qitilishi bo‘yicha o‘quv reja va dasturlarda ba’zi bir 
farqlar, mavzular mutanosibligida kamchiliklar mavjud;
ba’zi mavzular litsey dasturida bor, lekin 11-sinf maktab dasturida kiritilmagan, 
mavzularning ketma-ketligida ham farqlar ko‘zga tashlanadi. Bu esa o‘quvchilarni oliy 
o‘quv yurtlariga tayyorlashda muammolarni keltirib chiqaradi.
Akademik litseyda kimyo fanining o‘qitilishida ilmiy metodik ta’minoti (darslik, 
o‘qituvchilar uchun metodik qo‘llanmalar, ish daftari, multimediali ilovalar, didaktik 
materiallar va boshqa) yyetarli darajada ishlab chiqilmaganligi;
kimyo fanini o‘qitishda kimyoviy moddalarning kundalik hayotda ishlatilishi va 
O‘zbekistonda ishlab chiqariladigan mahsulotlar haqida ma’lumotlar yetishmaydi;
akademik litseylarning yo‘nalishiga qarab ilmiy tekshirish institutlari, oliy o‘quv 
yurtlari bilan hamkorlik ishlarini yanada oshirish, ishlab chiqarish korxonalari bilan 
bog‘lash;
iqtisodning rivojlanishida kimyo sanoati alohida ahamiyat kasb etadi. Kimyo fanining 
mazmunini keng yoritishda mavjud tizimni mukammallashtirish talab etiladi.
ta’lim muassasalarida moddiy texnik bazaning eskirganligi zamonaviy laboratoriyalar, 
darsliklar hamda boshqa o‘quv jihozlari bilan ta’minlanmaganligi bitiruvchilarni o‘z 
o‘rnini topishda va o‘z yo‘nalishi bo‘yicha malakali kadr bo‘lib yetishishida salbiy ta’sir 
ko‘rsatmoqda.
Professional ta’lim tizimida
O‘zbekiston Respublikasi Prezidentining “Professional taʼlim tizimini yanada 
takomillashtirishga doir qo‘shimcha chora-tadbirlar to‘g‘risida” 2019-yil 6-sentabrdagi 
PF-5812-son Farmoni bilan 2020/2021-o‘quv yilidan boshlab O‘zbekiston Respublikasida 
Ta’limning xalqaro standart tasniflagichi darajalari bilan uyg‘unlashgan yangi 
boshlang‘ich, o‘rta va o‘rta maxsus professional ta’lim tizimi hamda tabaqalashtirilgan 
ta’lim dasturlari joriy etiladigan ta’lim muassasalari tarmog‘i tashkil etildi.
Boshlang‘ich professional ta’lim darajasida kadrlar tayyorlaydigan kasb-
hunar maktablarida umumta’lim muassasalarining 9-sinf bitiruvchilari hisobidan 

---

13
shakllantirilgan guruhlarda 2 yillik umumta’lim va mutaxassislik fanlarining 
integratsiyalashgan dasturlari asosida kunduzgi ta’lim shaklida amalga oshiriladi.
2020/2021 o‘quv yilidan tayyorlov yo‘nalishlari bo‘yicha kasb-hunar maktablarida 
o‘qitiladigan umumtaʼlim fanlari soni va soatlar hajmi O‘zbekiston Respublikasi Oliy 
va o‘rta maxsus taʼlim vazirligi va Xalq taʼlimi vazirligi tomonidan belgilangan holda 
o‘qitilmoqda. 
Jumladan, kimyo fani kasb-hunar maktablarida tayyorlanadigan barcha kasblarda 
o‘qitilishi yo‘lga qo‘yilgan bo‘lsada, bugungi kunda ushbu fanni kasblar xususiyatlaridan 
kelib chiqqan holda kasbga yo‘naltirib o‘qitish bo‘yicha metodik tavsiyalarni yangilash 
maqsadga muvofiq.